倉鼠四肢無力..幫幫手!

唔同意第一位網友wsw2008013既講法,希望網友唔好介意及可留意一下:
1)鼠鼠唔可以飲牛奶,牛奶易令鼠鼠有過敏反應,飲左好易會肚瀉,肚瀉對鼠鼠唻講係嚴重疾病,所以就算係鼠鼠生b後要飲奶,都要飲奶粉沖既奶
2)魚肝油含大量維他命A,人類食太多都唔好,已經有新聞講過,人既小朋友食都易中毒,甚至死亡;俾鼠食就更易過多,所以千萬唔好亂俾人既食物俾鼠鼠食,都唔好胡亂同鼠鼠補充維他命


鼠鼠冇晒力咁,最好就盡快睇醫生處理,鼠鼠病得咁急,年紀又大,就算只係病,都可以變成捱唔住,所以唔好拖會好d,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
咁既情況可能係便秘or重病,好多重病都會令鼠鼠冇咩力,較難判斷,但冇力己反映問題既嚴重,正常既年老冇力唔會話忽然行都有問題既;都耍留意會唔會係整到腳影響行路,定真係因為冇力,骨折要留意既事可參考:
http://hk.knowledge.yahoo.com/question?qid=7009090201659


A.年老便秘,老左既鼠好易因肛門一帶既肌肉鬆左,所以排泄會較困難,咁就好易令鼠鼠行得唔穩,甚至行唔到


分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬;唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既
5)留意會唔會有排泄物塞住左


年老便秘需要留意既事:
1)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)如果進食困難,可試下將糧整碎,太碎就加少少水
4)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
5)保持周圍既環境衛生
6)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
7)除檢查及治療之外唔好攪鼠鼠,鼠鼠生病,會對外界更加驚,而且需要多D休息
8)如果鼠鼠有身凍既問題,就唔好俾風直接吹到鼠鼠,要鼠鼠保持溫暖,凍天要留意既事:
http://hk.knowledge.yahoo.com/question?qid=7009111301092


B.重病
好多病都會令鼠鼠冇咩力咁,所以好難話係咩事,睇醫生同時可留意以下既事:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)檢查籠入面有冇野整親鼠鼠
4)如果鼠鼠有身凍既問題,就唔好俾風直接吹到鼠鼠,要鼠鼠保持溫暖
5)俾一d有營養既野佢食.可以試下俾d麥片or白麵包佢
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既


另外,鼠鼠過左一歲身體機能就開始衰老,照顧年老鼠要注意既事,可參考:
http://hk.knowledge.yahoo.com/question?qid=7008040603097

2010-01-09 20:50:24 補充：
便便放耐左就多數都係硬,所以就要如之前講既咁去檢查

同埋距自從我買反來知後..距都5飲水
我唯有比菜距食

倉鼠並無本身的疾病，只要你定期清理籠子和更換水和食物，牠們就不會生病。

　　倉鼠最常生的病是感冒，所以如果你或你的朋友患了感冒，就最好不要接近牠們了。另外如果你的倉鼠有感冒現像，就要立刻將牠隔離，以免其他倉鼠受感染。感冒的病徵包括：遲鈍、疲倦、四肢無力、鼻子紅腫、流鼻水、耳朵縮起來向後貼緊頭部、縮在窩中不肯出來，嚴重時更會打噴嚏、氣喘、體重下降和毛色失去光澤。

　　治療的方法是將生病的倉鼠放在清潔通風的籠子中，保持溫暖，給牠喝些許牛奶，加些麵包、燕麥片或魚肝油之類的營養食物，這樣牠很快就會恢復食慾而痊癒。另外最好徹底清潔水瓶及更換飼料，以免受感染，籠子也要徹底清洗乾淨。

　　另一種常見的病是麻痺，病因是籠子太小倉鼠活動不足，病徵是縮著身子抬不起頭來。這時候只需把牠放在桌上15分鐘，讓牠自由走動，舒展筋骨，便會沒事。

　　其實倉鼠是強壯的動物，只要居住環境良好、有乾淨和適當的飼料，便不易生病。我的倉鼠就從未生過病！