班80後反高鐵玩苦行係咪得閒無嘢做？

[我是大角咀的居民,高鐵的問題,使我切身感受到弱勢社群的受欺無助,政府只是宣傳高鐵的好處,但絶口不提受害市民的問題,我們的居所若因高鐵而變成危樓,若要申索賠償,和鐵路公司打官司,實在因難重重,訴訟的費用,更非我們這些窮人能負擔.而建成高鐵後,]

香港政府會令市民蝕底?菜園村果d都話賠高過市價俾佢地..係佢地唔制咋喎
而且..你覺得地底起高鐵會變危樓?香港島係咪會沈?成條地下鐵路..香港人唔好住香港島啦..你都唔好去香港島..沈左又要賠錢俾你
我想問對市民有咩受害, 政府係用600幾億起高鐵..係全球最貴, 但用既都係用番係香港到, 某程度上係還富於民既表現, 而且納稅人交得稅俾政府, 只要政府係不存在貪污及不只是為及部份人士利益而又花費係香港人身上既錢, 點解佢唔應該用。大角咀居民把變危樓, 菜園村居民又怕收地, 但呢2樣野根本係小問題加上無是生非。
閣下上面"若"左2次, 若恐怖分子要追住你黎打, 拎架飛機炸你間屋, 你係咪會死同埋血本無歸?係!

[首先受益的卻是一些大地產商,和為大陸有能力高幹提供發財的機會,分明是劫貧濟富..]

係..大地產商會最先受益, 又如何?佢地投放左幾多資金, 要承擔幾多風險, 用左幾多分析, 人力物力, 人地叻仔賺到錢又唔得?
咁不如番去共產時代啦..做又36唔做又36啦...人地有遠見賺到錢你又唔抵得, 你咁短視又想好似人地咁賺到咁多錢, 發夢啦唔該!
政府起高鐵, 就算唔可以霸佔中國市場, 起碼可以係中國市場分一杯羹, 連結國內市場, 國內出口佔全世界第幾位?香港唔起高鐵, 第時用乜同人爭?運輸業第時食咩?食屎?要加強連結先可以保持住自己既競爭力, 有多d商家黎, 多d人黎..香港先會有商機,多d生意,咁簡單者既道理都唔明?

[社會上的許多人,都不為我們這群受害者說句公道話,以保障我們年老時的唯一居所.感謝那[些充滿正義感的八十後青年,能為我們仗義而起,若能時光倒流,我一定會參加他們的行列,他們是時代的精英,祖國前途的希望!香港必需有些人,才能維繫起碼的公義.反對他們的人,實在應該慚愧! ]

那一群80後, 影衰我, 本人也只是一個80後, 接受政府9年免費教育, 受社會養育, 明白到要搵食有何艱難, 身為一個打工仔, 都想為老閣賺多d錢, 如果唔起高鐵,10年後香港沒有競爭力,冇商機, 老閣撈唔掂, 大部份商鋪搵唔到食, 倒閉, 裁員, 減人工果時, 我就真係會覺得恥辱, 就係一班所謂既80後以為自己好勇好勁, 阻礙香港未來發展, 為的是無是生非的低智商投訴, 到時呢班人咪只會遺臭萬年囉,希望?我呸, 幫你申訴果班80後而家有幾多個番緊工,有幾多個為社會作出緊貢獻?身為一個讀個書既人..唔該你地..睇遠d, 唔好咁短視, 有時成為左某d社會垃圾既政治工具連自己都唔知咋。

要香港冇人搞事,最有效既辦法係政府免費供應K仔...

反高鐵所反既,唔係高鐵咁簡單

高鐵所象徵,正是由上而下既政府思維,發展是硬道理既中環價值,同埋只服務資本家利益既建制

高鐵造價669億,但係政府到底事前做左幾個咨詢,落過幾多次區同居民對話,有冇向立法會詳細交代細節.冇! 政府只會同你講邊緣化,仲要係最後關頭先拋出邊緣化大你,但係佢唔會同你討論邊緣化.政府由頭到尾都係大你,結果呢,迪迪尼,數碼港,一件件大白象工程.高鐵係咪大白象我唔知,但係難道香港人只deserve一個由上如下,唔當700萬人係stakeholder既政府?你甘心嗎?

發展係硬道理,係咩?香港過去係發展中城市,人民生活唔富足,發展經濟當然係急務.但係今日香港貴為世上最富有城市之一,但係我地除左GDP高,仲有乜野? 貧富懸殊?文化沙漠?記憶消失? 香港發展到今日,其實從未對自己發展軌跡作反思,相反政府仲要帶頭叫我地擁抱中環價值.政府宣傳高鐵,只係宣傳高鐵既經濟效益. 政府面對反對聲音,不但冇回應民間對香港既反思,仲要貶佢地做阻礙香港發展既搞事者. 咁既高鐵,可以唔反嗎?

最後,政府面對反高鐵運動,佢用咩手段. 高高在上,冇認真睇反高鐵聲音,反而係倚賴功能組別護航. 功能組別代表商人利益,結果佢地得到乜野,669億元既肥豬肉! 商家當然支持中環價值,因為佢地可以得益. 而政府正係中環價值既推手,自然要送商家政治免費午餐. 兩個集團,互相倚賴. 結果,香港從未走出中環價值,你我只係經濟壓倒一切之下的機件,從未做到自由人. Cost-efficient, profit-maximization之下,所有野都可以被犠牲, 人既價值從冇地位. 香港人,你甘心嗎?

青年多受過一d教育,有頭腦又有時間諗呢d問題.加上血氣方剛,自然對高鐵象徵既不公義睇唔過眼. 佢地出於對呢片土地既熱愛,至會出黎行動. 其實係現價值體制之下,你我都係受害者,只係你選擇視而不見,人地選擇靠自己努力改變香港...

80後係食飽飯,不過係衣食足而知榮辱.要令80後唔搞事,只有靠剝奪佢地既赤子之心同本土之情,K仔相信係最佳良藥

2010-01-21 03:45:14 補充：
Efficiency is, after all, only one value... Why should we make no sacrifice of efficiency for the sake of equality and community? - G.A. Cohen, Why not socialism?

計下條數香港有250萬人失業,
個個無飯食,
所以咁得閒示威,
曾蔭權下台.

Q : 班80後反高鐵玩苦行係咪得閒無嘢做?
A : 係。
Q : 為何80後得閒無嘢做?
A : 可能係失業或者冇錢洗。
Q : 無嘢做吾係應該找嘢做咩?
A : 係應該找嘢做。
Q : 但為何80後吾找嘢做?
A : 因為有人請佢地去「做秀」。
Q : 不建高鐵好不好?
A : 不好。

2010-01-15 13:25:12 補充：
Q : 班80後反高鐵玩苦行係咪得閒無嘢做?
A : 係。
Q : 為何80後得閒無嘢做?
A : 可能係失業或者冇錢洗。
Q : 無嘢做吾係應該找嘢做咩?
A : 係應該找嘢做。
Q : 但為何80後吾找嘢做?
A : 因為有人請佢地去「做秀」。
Q : 不建高鐵好不好?
A : 不好。

2010-01-15 13:27:57 補充：
I agree with 回答者： biuyue ( 小學級 2 級 )
And
I agree with 回答者： [email protected] ( 小學級 5 級 )

八十後在社會上 是一班沒有權沒有勢沒有錢的年輕人

唯一興幸的是有九年免費教育

教育他們有是非判斷和敢言

一直以來 政府社會都說八十後政治冷感

今天八十後關心社會 卻被不少人標籤成滋事份子

如果真的要和利益掛鉤 維護自己權益才會幫手

這麼政府中不會有任何一個官員去幫低下階層

很多八十後是基於良知

他們看到社會不公 而發言

我認為要好好珍惜這種情操

樓主,人地係有言論自由wor

香港即使冇左一個陳巧文,但係仲有千千萬萬個佢

不是只顧自己,也關心社會,行使民主公義,不畏強權......這樣的下一代要好好珍惜.

80後反對就係搞搞震, 80後支持就係促進社會.

你已預設立場" 凡反對者皆搞搞震: 凡支持者皆促進社會."

已無討論空間, 建議將問題改為 "80後反對的理由是什麼?"

則更加客觀, 有討論意義.

學生哥的理想多多 + 经济环境 + 政府施政方針 = ??????
九龙暴动-简介
天星小轮加价事件，亦称九龙骚动，发生在1966年香港。事件由天星小轮加价港币5仙(香港对英文cent的音译，即分)引起。市民上街抗议加价，引起九龙连续2个晚上出现骚乱。港英政府出动军警镇压，最後造成1人死亡，18人受伤，1800多人被捕
九龙暴动-起因
1965年10月，来往香港岛中环及九龙尖沙咀的天星小轮向政府申请加价，将头等收费由2角增加至25仙...........当时之市政局民选议员叶锡恩在11月收集超过2万个市民签名，反对天星小轮加价............
经过
1966年4月4日上午，27岁的青年苏守忠 (後来出家，法号曜乐法师)身穿写上「支持叶锡恩」、「绝食」、「反对加价」的外衣，到中环天星码头站立，进行绝食抗议，引来途人围观。4月5日下午，警察以阻碍通道(阻街)罪名，拘捕苏守忠。当日晚上，约1000人聚集在尖沙咀，沿弥敦道游行，支持苏守忠及反对加价。4月6日，苏守忠在西区裁判处受审，香港及九龙出现零星示威。入夜後开始有人在弥敦道向巴士掷石及放火。晚上...............同时便衣警察大举出动搜捕怀疑滋事份子。骚乱於当晚得到平息。4月9日，超过300人在法庭受审，多数为15至25岁之青年，大部份人被判刑。宵禁最终在4月10日解除。

政府後来进行的调查，报告指经济环境 是引致骚动的原因..........显示当时香港社会内正积累不少的不安情绪；特别是青年人对政府的不满...........但事後港英政府重新检讨施政方法 ..........一个名为 " 香港节 " 的大型庆祝活动由政府举行，以疏导民怨和安抚民心.

詳情往下列連結看看
http://www.hudong.com/wiki/%E4%B9%9D%E9%BE%99%E6%9A%B4%E5%8A%A8



海菁

50年不变,己过12年了,似預見港将像大陸,許搞抗爭維護自己利益,只有權貴,说一二!

2010-01-15 11:01:36 補充：
六十年代后经济起飛,七八十年代,行行出狀元,只要肯捱,不但工厰工人,倒垃圾的都可自置小物業,供十年八年首期只需一成,現在是首期三成都末必得,供三十年,另要二(案)........相反有工種一年可買幾層搂..

2010-01-15 11:04:41 補充：
是否深層次矛盾......