nikon D90 ISO問題

這很難說,唔可以咁籠統就咁話日間或者夜間就應該用多小iso.如果題材有需要,即使光線充足的日間也有機會要用高iso,光線不足的夜間其實也可以用低iso的.
如果單純以影像品質為大前題,iso是越低越好,即係iso 200. iso 100不計算在內,因為那是用軟件推出來的,容易有光位死白的問題.
但iso低代表快門會變慢或者光圈要加大去維持高速快門.如果你拍攝靜態題材又沒有手震的顧慮的話(例如有腳架),咁必定係用iso 200.
但如果拍攝動態題材例如飛行中的雀鳥,咁即使日間也要用較高iso去達到高速快門.否則畫質是很乾淨但飛鳥糊了就一點意思也沒有.又例如室內拍照,雖然是靜態題材,如果冇用腳架,快門太慢手持就會有手震的問題,開大光圈又會景深不足,有時甚至開盡光圈也不夠用,就必要提高iso讓快門變快一點.室內動態更不用說,很多時也要用超高iso.
D90有一個自動iso功能,你可以用M mode設定你需要的光圈值及快門速度,讓相機幫你決定iso.但除非你要在同一環境,拍大量相似的題材,否則其實都要轉來轉去,不過是轉光圈,快門還是轉iso吧.

2010-01-08 21:10:00 補充：
閃光燈某程度上係唔可以代替高iso的.
尤其夜晚,閃光燈有效距離只有好短,遠景根本冇用,除非單用閃光燈就可以照亮晒主體及背景,否則就算照到主體背景就會添黑一片,這亦是好多相機自動模式的處理方法.而且太遠的主體亦冇效.

2010-01-09 07:18:10 補充：
冇錯CMOS大可以令每粒像素做得大啲,有利光線接收,例如全片幅,1200萬像素既Nikon D3s真係去到iso 102400都仲算可用.但也有例外,例如Sony A900就選擇做到2400像素,令到每粒像素同A700咁大,雜訊控制也沒有改進,iso 1600已經唔多掂.

2010-01-09 07:19:14 補充：
唔好意思打錯字,應該係2400萬像素.

如果新機的話..有d個cmos夠大..iso去到萬萬聲都唔太差

iso是什麼???? = 前身是ASA = 感光速度,

一般單反 ISO 去到 800都可以OK, 雜訊可以接受. D 新機去到1600或3200都OK. 我們 一般常用100 或200 la. 其實一般因光圈唔夠大或快門太慢先提高iso補救. otherwise 全用ios 200 la. 夜間如唔夠光用閃光燈la. 不提高iso. 除非你想拍一些特別效果 ..... 如粗微粒 .... 勁反差.....等

iso 高一級即快門可慢一級或光圈可細一級. 有時因景深問題要用細光圈但影響快門太慢, 這時我們先較高 d ios 使相片影到我地想要效果及不會手震.


用 iso 200 la