我的倉鼠突然發惡了

有冇養第隻鼠?屋企有冇第d動物?平日鼠籠唔會關定係點既呢?
A.如非對鼠鼠係特別既過敏,被鼠鼠咬到係冇咩危險,但傷口一定要處理既,所以記得消毒同貼膠布,但如果出現過敏反應就要睇醫生處理
唔知你係同鼠鼠玩先冇關門定係長期唔關,先要明白鼠鼠係好細膽,好易會忽然有你講咁突然既變化,所以籠既門一定要關好,唔係一次意外就足以致命;平日你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁


B.鼠鼠想出籠好正常,但如果好突然又好大力咁頂個蓋.就要留意鼠鼠會唔會受驚所以咁,鼠鼠咬人仲會有其他可能,了解返係因咩而咬你,就可減少被咬既機會:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 特別如果鼠鼠已受驚時你再去接觸佢就更易被咬,鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧,同時要留意有冇第d野令鼠鼠受驚


keep住檢查鼠鼠身體及排泄物有冇異常,怕鼠鼠有咩唔舒服or受驚後誘發疾病,除檢查外就唔好攪鼠鼠,到肯定鼠鼠冇咩事時,再兩日唔好掂鼠鼠,再試呢個方法慢慢同鼠鼠建立關係,以下既步驟唔係幾日內就做到晒既事,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
b)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
c)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
d)再熟d再試下俾野佢食既摸下佢頭or身
e)佢都唔抗拒之後,可將食物放在手心,等佢行上唻食,慢慢佢會習慣左你既手
f)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱


2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠,例如地板轉輪樓梯會唔會有隙,墊材會唔會係粒狀,而球體轉輪or玩具會令鼠鼠感到壓力而覺得唔舒服


3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既.佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人;如果唔同籠,籠太近都會有影響


4.籠放位置太嘈,太凍太熱都係唔好,如果籠唔係放地面,都要留意籠下物品會唔會成日郁or嘈到鼠鼠;凍天要留意既事:
http://hk.knowledge.yahoo.com/question?qid=7009111301092


5.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以


6.你手有食物既氣味,鼠鼠有機會會誤以為係食物而咬落去


7.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬


8.懷孕既鼠都會特別精神緊張,從而成日咬人


另外,鼠鼠過左一歲身體機能就開始衰老,照顧年老鼠要注意既事,可參考:
http://hk.knowledge.yahoo.com/question?qid=7008040603097

放心啦依d只係一種小事因為平時依d咁既野最憎比人困住咁岩佢心情唔好
所以你放心你放佢出來玩一陣就無事

我堂家姐都有養。我覺得隻倉鼠可能心情唔好,D倉鼠當然唔想在籠到,放心 LA,無野嘅,如果你咁擔心就帯佢睇下醫生=]我都卑佢咬過,傷口一排就會無野。可能佢生你把門關掉的氣,不放佢出去。你最好在門加把鎖,佢咃好勁,會走出去架!希望你早日康復和解決好問題XD

睇e生 一定要 !!!!!!!!!!!!!!!!!