如何用 Illustrator 做月曆?

a.i無固定做月曆功能，首先要知你做係一份功課定係大量印刷，以我嚟講會用3 個軟件做為好。1.Adobe InDesign 2.Adobe Illustrator 3.Adobe Photoshop 。
大量印又要專業的話出面多數用Adobe InDesign排板軟件，InDesign有一個功能可以SET好你要的頁數，12個月可能要6頁或12頁或更多頁，視乎自己而定，因為做月曆要預番出血位，有啲要預埋孔位嚟圈蛇仔圈(蛇仔圈係釘裝方法的一種，好多月曆都用蛇仔圈)，至於模特兒相來做月曆唔使講執相用 Photoshop 再置入InDesign去做，至於Illustrator當然係設計嗰part(繪圖)，又係設計完幅圖置入InDesign去做為最好，當然要計好曬啲尺寸才置入InDesign去做，因大家都係Adobe出品，所以三個軟件好配合倒同支援倒，最後轉好Tiff印刷檔再封裝好就可以交比印刷公司大量印刷。
如果只得a.i做則可以一樣咁做，在工具箱點選文字工具，再拉出文字框，揀好文字大小(point)，打入文字/數字，文字或數字可以置入多啲特別字款字形，或可以在視窗，勾選文字后再點選字符，再轉色。用視窗選對齊來對齊文字，拉參考線對齊好文字/數字你所想放的最佳位置，可以在網上找一啲自己想用的素材后置入A.I如:頁框、公仔、欄位、圖案或一啲 有用相片，置入后分圖層做，拉好所須的尺寸，然后鎖定圖層，自己試試吧!


圖片參考：http://imgcld.yimg.com/8/n/HA05680699/o/701001070081313873391290.jpg