佢想表達d咩?

唉,曾經滄海難為水,除卻巫山不羨雲!
你講就話分手仍然可以做朋友,但有d人係唔見到好地地,見返就別有一番滋味呀!
照我估計當年都係你地性格唔夾,你唔喜歡佢先會分手啦,所以你就覺得做返朋友都無所謂啦!
可能當年佢都好鍾意你,但你唔接受佢都可能好心傷,但男仔點都要死撐扮大方無事啦!
隔兩年見返面,可能又勾起佢當年同你一起的記憶,以前大家拖手仔行花市當然就好開心,現在大家又唔係拍拖,仲有乜心情同你行花市喎!
你都講佢係比較性格內向的人,因此佢對感情會好敏感,覺得大家既然分手唔想再同你咁多接觸以免觸景傷情呀!
不過,相信你係比較性格活潑開朗,所以你唔覺得做返朋友有乜問題,亦唔明白佢點解會傷感了!
正所謂相見爭如不見,有情卻遇無情!
你地兩個跟本不同性格又溝通唔到,我覺得其實分手都好應該的!

感情難理性,你可以但不代表佢都可以.如果你想繼續做朋友,可以直接對話,表達清楚信息令佢成長,.,..,問世間;情是何...........

我覺得佢既意思係「對你仲有感覺」
因為佢話「未見過既朋友同好耐冇見既朋友都唔會覺得傷感」但係佢冇話「分左手既朋友」加上仲問你明未 而你又唔係「未見過過既朋友同好耐冇見既朋友」
所以我覺得佢對你既感覺未完...=]

我哋冇人知你同佢點解分手，不過明顯佢仍有以前段情緣的感覺，唔似你完全感覺唔到這個敏感位，再加上你約出來的所謂你d朋友佢都識，係咪始終都係你啲朋友，唔係佢啲朋友，在這班人中佢都只係「識你」，咁講你明唔明佢點感覺？這種有緣無份而仍被留在你身邊的感受唔係人人受得住嫁。除非佢跟本最初唔係想同你一齊，只係有點像你的玩玩下試下唔啱便算，冇放上心，看來佢很介意唔能夠同你一齊。

以上是比較正常的感覺，你可以話他唔成熟，唔識處理自己同ex的感情，但同時亦可以看出佢唔係好似你諗你哋的關係。另一個可能性係佢覺得同你分手係人生失敗，你卻硬要他出來在眾人前唔認自己失敗，但又冇退路給他可以拾翻起自己。佢唔係要開心熱鬧便可以取代佢的失敗感，只要你一日係佢思想裏面佢每日都面對失敗，你還要他見到你真人，要佢若無其事，令佢覺得佢係你心中其實全無地位。

希望你放過他，我相信你冇心傷佢個弱小心靈，而你又已經對佢冇情感牽掛的話，唔好再見佢啦，話比佢知你好希望佢積極找個可以關心佢又識得同佢心靈相通既好女仔!