我比我ex煩死!!!!!唔該大家help下我!!好緊急!!

事情係咁既..
我同我ex因性格不合散左
事前我喊過好多次叫佢改過,
佢死都唔肯,
分手後我打過比佢幾次,
佢cut我線,我留左最後一個留言比佢氹佢
點知換黎佢用粗口鬧我全家人!
我真係勁嬲勁嬲!
今次我企到好硬唔會再同番佢一齊!
同佢散左之後我同另一個男仔一齊左,
論性格等各方面都全部好過佢!
問題係而家我個ex勁係度煩我,
日日打n個電話黎,比我cut左線就send爆我sms信箱!
一時又打黎話比最後一次機會我,
一時又打黎話老婆嬲完未呀一齊番啦不如,
一時又打黎用粗口鬧我全家,
一時又打黎話佢落酒吧識左好多女仔,仲話中意我有寶咩?
(ps:好多我都cut左佢線,佢就留言比我)
我真係比佢煩死!!我就黎要exam架啦!!
而家我男朋友都好嬲,
我同ex講,你再煩我就報警,
點知佢原來成日133打黎我屋企問我細佬近況囉
我細佬唔識野又講左我d近況比佢知,
and我已經叫左佢好多次死心,佢都仲係咁,勁似失常!
岩岩佢又打黎問我細佬我平時番屋企入正門定後門,
我細佬上次比我鬧完已經知衰,唔再同佢講野,
我而家番屋企都要走後門呀!好驚呀,一間佢淋我強水咁點呀!?
我仲要周圍望,仲要走後樓梯,不過呢d避得一時避唔到一世架嘛!
我岩岩番到屋企,格左陣佢又打黎我屋企,
我細佬聽電話,今次ex問我細佬我番左黎未,
我細佬直情答唔知就cut線!!
哇..而家我真係好驚又好嬲!!
我男朋友提議我去報警!!大家仲有冇咩好提議呀?
我鬧又鬧過,絕左絕過,仲已經del晒佢日記好友,facebook,msn
佢變態到日日check住我好友d list,睇我近況!!
我真係比佢煩死!!!!help!!!!
ps:我16歲,我ex18歲,佢自己都有學要番,都唔知點解佢咁得閒黎我樓下po我!!