孔雀(魚)一問+佈置魚缸~

其實你第一項係唔應該咁樣講法,
換著其他魚,佢唔同其他溫馴既魚一齊,最後咪會被殺囉!?
所以任何性格溫和既魚都應該同返一樣性格既魚一齊養,
否則傷亡無數!!
至於惡魚,咁考慮到佢有攻擊性,放溫唔溫馴既魚落去,
其中一方都會出事,所以就唔能夠進行混養嫁啦~

混養要考慮多方面因素,
一) 飼養環境,例如水ph,孔雀要求7.0-8.5,至於某種魚可能要求5.5-6.5,
兩者對ph都有不同要求,咁就唔能夠混養
二) 體型,可知弱肉強食,大魚一樣會食細魚,唔理性格兇唔兇惡,
金魚甚至咩都唔理,放入口先至再比反應
三) 性格,呢樣都好重要,例如非洲皇子等惡魚,一定只能同種一齊養

孔雀其實可以同好多魚一齊養,
但係就唔能夠用到酸性物品,否則死既會係孔雀,
因為好多魚種對弱酸至弱鹼都無太大反應,
- 米奇
- 燈魚
- 波子魚
- 摩利魚
- 劍魚
- 荷蘭鳳凰
如果想睇下圖片,可到我blog參看
http://hk.myblog.yahoo.com/metrocity222

佈置魚缸的話,
我諗你唔需要考慮,如果以專業養魚既人,通常唔會佈置,
因為例如沙等底材、沈木等佈置都會阻礙濾水器吸走排泄物,
水質一變差,水既ph值會降低,孔雀就有可能燒尾,
套於其他魚種身上,燒尾等於佢地既爛尾,
如果燒尾,醫好都可能令魚尾變細左,甚至散開,價值同時中減!!

如果較為專業飼養,最好係單用魚缸、濾水器飼養,
但係觀賞作用,可以加沙底既,但係濾水器要有足夠效能,
令水質維持穩定,最好魚缸夠大,水多,水質自然容易控制!!
如果唔加沙底,可以淨放D扎左水草既沈木,如莫絲木、水榕木,
又或扎左水草既石,莫絲石、鹿角苔石等等~

飼養方面,唔需要話太過注重邊方面,
同平時養其他魚差不多,
養水、對水要做足,換水就每兩至四星期換一次,每次換1/3至一半,
濾水器保持每一至兩個月洗一次,濾材一定要有生物環,
係最重要既一樣,活性碳就無太大需要,濾棉就用黎阻隔排泄物,
餵飼最好每日一次就足夠,太多唔好~

您好 我是專養孔雀魚的!

1.孔雀只可以同溫順既魚養先可以唔會比魚咬咬?

答:可以係咁講~~因為孔雀魚係一種好溫順的魚來~~如果同比較惡的魚一起

混養的話 孔雀魚便會死亡!


2.有咩魚可以同孔雀一齊養??(最好有圖)

答:給你一些健議~

米奇 紅蓮燈 波子 (其實孔雀魚有好多品種 養不同的品種都可以好令嫁!)

但一定要不超養~

3.我想佈置魚缸,但係唔想加個D沙係底,咁可以點佈置?

答:養孔雀魚最好就清缸養 因為孔雀魚好注重水質~但係如果你真係想

佈置魚缸 唔係話唔得 但係一定要小~ 你可以放一些石頭//一些水草

OR 係 魚缸後面放一張背景紙(都幾令)


給你些小養孔雀魚的基本知識

最基本的器材:氣泵 水妖 便可行

每天換水 1/10 OR 3天 換 1/5 水 保持水質清潔!

魚有病便要立即隔離 以免病毒傳染給其他魚~