大假應該點計法

佢係28/08/2008到我家,預計3月中左右走,咁大假應該計番幾多日比佢呢?
用14日唻除24個月，再乘佢喺你屋企做咗幾多個月，就應該係12日x日薪。
另外agent同我講,到我炒佢個日會叫工人簽一張自動離職既信,咁我可以唔洗賠一個月比工人,當係佢自己唔做,咁做得唔得架?
呢個做法比較無良。
會唔會比工人告番我轉頭架?
好有機會比個工人告，因為個工人有機會自己去勞工處或工會嗰度求助。

你炒佢原因﹖你請佢時點講﹖合約寫乜野﹖合約有寫佢犯乜野錯你先可以炒佢，假如你同佢簽一年約，佢冇做錯任何事，即係合約寫明犯錯即炒果的，咁你要補返淨返的月份人工比佢，大假未做夠一年，係冇。
不過你要問清楚agent合約內容，唔係個工人可以答你都得。