文職問題(超長)誠意請有經驗朋友回答,謝謝(10點)

咁我會建議你, 去學打字(可出去學或者自學), 去做初級文員, 人工肯定係少, 試下自己啱唔啱. 如果初步你覺得做文職你覺得ok, 可以夜晚去修會計課程(如果你對會計有興趣), 老實講, 初級會計基本上唔係咁多僱主會睇.
考公開試係要俾錢, 所以你一路做野一路考會無咁大負擔.
內向做文職會好過做服務性行業嘅, 同埋樣子平凡無問題, 唔係叫你選美. 見工時搽少少唇膏, 個人整齊清潔就OK.
至於你話你己係盡責嘅人, 對唔住, 如果你係盡責, 你唔會成日遲到囉. 返工準時係做工最基本嘅條件. 若果你成日遲到, 你唔可以講自己係個負責任嘅人.
舉個例: 我想問, 如果你9點正去到銀行, 見到銀行未開門, 或者啱啱先有人開門, 你估你個心會點諗, 我諗你都會話: 有無搞錯呀 - 你個老闆都會咁諗, 出咗人工俾你返工, 同埋一早話咗俾你知返工時間, 你返唔到就唔好做.

當然, 有時交通問題, 正常佢都會體諒, 但係佢炒得你, 你自己唔該檢討一下自己, 唔係有份人工高, 福利好嘅工, 你都唔會做得長. 人係要靠自己努力先至能夠改變自己命運架.

1.我唔識中文打字,英文打字又慢,淨係識用九方輸入法(我屋企用緊手寫板),我想報讀ERB個初級簿記証書,讀完會唔會冇office肯請?
讀左好過冇, 至少機會大D

2.我性格好內向,手腳慢,會唔會唔適合做文員?
唔適合都要嘗試, 唔試點知適唔適合做

3.如果我真係有人叫我見工(讀完之後),咁我係咪要着恤衫西服去見工?洗唔洗化妝?(我樣子平凡,唔識化妝)見工有咩要注意?
最好化少少妝同着恤衫西服去見工, remember clean and clear.

4.ERB包考LCC&I level 1,我應該點樣考level 2?洗唔洗錢?(屋企窮,領綜緩的)
你要問ERB, 要錢

5.做會計/簿記/data entry辛唔辛苦?會唔會因為英文打字慢,手腳慢,性格好內向俾老細針對?(我自問自己係一個好盡責既人,上司分浱既工作我一定會做到最好,10蚊店個店長都讚過我,不過自己唔生性遲到被炒)
辛唔辛苦都要做, 俾老細針對都要做, 你要羅經驗, 冇經驗, 冇學歷, 又遲到, 揾鬼請. 遲到係好唔要得.