有朋友結婚，在利是上怎樣寫?要寫什麼?

賀結婚禮金利是封上應寫些甚麼？
1.最緊要寫上自己個名在右下方，無寫就會被人懷疑你無做人情，到來白吃。
2.利是封正中上方寫上受禮人姓名，如有親戚關係要在姓名上寫埋上去相關稱呼。男家請你，你賀禮俾錯女家都會交返俾男家，若果無寫受禮人名字，女家會袋袋平安，請你嗰個一樣意為你無做人情！

基本上寫咗送禮人自己及受禮人姓名就算唔再寫其他嘢都無問題，很多人都咁樣做。但寫上句四字賀詞就顯得自己較有禮貌。

賀詞應寫在受禮人名字之下，最行貨就係"新婚之喜"，要想人覺得你較有文化，就要寫d無咁普通嘅：
賀男女家合用：秦晉之喜、燕爾之喜、琴瑟之喜
賀新郎：成龍之喜
賀新娘：于歸之喜、添妝之喜、出閣之喜

如果你和新人唔係好熟，和他們的主婚人非常熟，做嘅賀禮就唔應該俾結婚嗰個人，係俾主婚人。咁受禮人嗰名就要寫返主婚人個名，賀詞就要小心d寫，否則寫錯賀主婚人結婚就俾人當笑柄。
賀主婚人只要加上兩、三個字就一樣可以用賀新郎、新娘嘅賀詞，賀人哋娶媳婦加上"公子"或"二、三公子"成龍之喜，賀嫁女加上"千金"、"二千金"添妝之喜。阿爺娶孫媳婦/嫁孫女，就加上"孫兒"成龍之喜/"孫女"出閣之喜。賀人娶媳婦也可用"新翁之喜"、"疊翁之喜"(不是第一次娶媳婦，若不知他有沒有其他兒子已婚，用"新翁之喜"已可以)。

如果你不是用賀禮利是封，就有須要在利是封右方稍高位置寫一"賀"字，左下方自己名字之下寫上"鞠躬"或 "敬禮"。

I think it's as simple as it can as your friend will be too busy to read all message. I suggest " FOREVER IN LOVE "

有朋友結婚，在利是上怎樣寫?要寫什麼?
男士可寫乘龍之喜
女士可寫添妝之敬或于歸之喜
男女通用 新婚之喜