✔ 最佳答案
A.鼠鼠大約60日大就進入完全成熟期
B.只係話成日訓同唔食野較難了解到係咩事,但如果確實地知道,鼠鼠真係完全冇食野or冇力既話,最好可以盡快睇醫生處理,因為鼠鼠身體細小,冇咩脂肪去消耗,唔食野好易會血糖過低,所以就算唔係因病唔食野亦需睇醫生;而如果冇力,情況就已經好危險,好多重病都會有呢D情況,好難話係因咩而咁,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
成日訓,唔食野,除左唔舒服之外,亦有機會因為感到壓力(但如果鼠鼠冇咩力咁,就唔會係呢個原因)
新買鼠,一籠多鼠or有外來既野令鼠鼠受驚,就好易會令鼠鼠感到壓力,壓力會誘發疾病,一定要了解原因盡快改善問題;而成日訓亦有可能因為鼠鼠係夜間活動日頭訓覺,如果你既作息時間同佢相反,就好易只會見到佢只係食同訓,就算你半夜成日起身,都未必會遇到佢既活動時間;天氣特別熱同特別凍,每日溫差大,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦
而家可留意既事:
1)有第隻鼠既話要分籠,有第籠既話都要分開D,鼠鼠驚既時候都會唔係點郁同唔食野(鼠鼠本身係獨居動物,冇事都係分籠會對鼠鼠好d)
2)留意有冇d咩令鼠鼠受驚,例如第隻鼠,第d動物,籠接近嘈既野,太心急同新鼠玩,粒狀墊材,鼠籠有危險既地方之類
3)要留意佢牙齒會唔會過長而食唔到野,有冇流口水,合唔埋口咁,牙齒過長就需要剪牙,如果唔係會插穿鼠鼠既口而死
4)要留意鼠鼠既身體同排泄物有冇異常,睇下鼠鼠有咩唔舒適
5)保持周圍既環境衛生
6)擔心鼠鼠唔舒服會覺凍,如果鼠鼠有身凍既問題,就唔好俾風直接吹到鼠鼠,要鼠鼠保持溫暖,凍天要留意既事:
http://hk.knowledge.yahoo.com/question?qid=7009111301092
7)俾一d有營養既野佢食.可以試下俾d麥片or白麵包佢
8)放特定數既既糧俾鼠鼠,方便觀察鼠鼠係咪真係冇食野,但唔好放太少,鼠糧多D能增加鼠鼠既安全感
9)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
10)除檢查及治療之外唔好攪鼠鼠,鼠鼠生病,會對外界更加驚,而且需要多D休息
11)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)
12)如果係新鼠,確定鼠鼠正常後,俾紗鼠靜返兩日先再同鼠鼠建立關係,同鼠鼠建立關係既方法可參考:
http://hk.knowledge.yahoo.com/question?qid=7009082602466
C.倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔
大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
冇特地去影鼠鼠既下身,抱歉,但可以從背部睇落去:
圖片參考：
http://i176.photobucket.com/albums/w162/kelvin320/080324-1.jpg
另外,倉鼠係獨居動物,如果佢地係一齊住,唔同性別既話,繁殖鼠鼠會有好多問題,希望你可以考慮唔好繁殖鼠鼠
及一籠一鼠,詳細原因:
http://hk.knowledge.yahoo.com/question?qid=7009121200555
好抱歉,我已經冇用msn了,在知識＋發問係最快問到我野既方法,一有時間我就會睇鼠問題,所以如有問題,煩請補充及延長發問,謝謝
