女友小解下面痛,點解會咁??

我解答左你問題先：

第１，　你講你女朋友小解痛，係幾時痛？痛左幾耐？呢２個問題你一定要知

．如果係剛剛性交後既小便痛，而痛楚維持１～２日，而呢１～２日內冇性交，就有機會係磨損陰道引發痛楚

．如果係性交後小便痛，而往後排尿都冇痛，下次性交後排尿又痛過而平時排尿冇野既話就有機會係陰道發炎，不過你要問清楚你女朋友，排尿時有冇拿拿地既感覺，同時叫佢留意陰道分泌物既色、質、量，如果顏色係綠／黃／混濁，質係一片片／豆腐渣，而排出量奇多又有特別異味（惡臭／腥味），咁就似係陰道發炎啦．．咁佢就要應該去睇醫生

．如果每次小便都痛，就有機會係尿道炎，原因係性交時龜頭將會陰既細菌帶到尿道（因為尿道同陰道好近），你要問你女朋友有冇特別徵狀包括尿頻、排尿痛、每次排少少尿（比平常少好多）、尿既顏色（無論飲幾多水都係混濁）、尿既味（唔係壓．．而係嗅，你女朋友應該好清楚自己陣味．．）

如果痛左好耐應該要去睇醫生．．尿道炎睇普通科（男醫生都得，正常唔會check陰道，只會留中段既小便化驗），陰道炎可以睇婦科（女醫生）


第２，　有冇大肚機會我答唔到你，因為我唔知你女朋友第１日黎M係幾時，你只提到佢完M係１１號（１２月１１？），每個人完M所須日子唔同，有ｄ人５日有ｄ７日，所以我計唔到安全期係幾時．．

不過要提提你，冇內射唔等如冇精子，精子有機會在性行為進行期間排出，排左你唔會咁易Feel到（唔似射精．．），所以而家唔肯定佢會唔會有左，如果佢真係M比平時遲左到，建議你陪佢買支驗孕棒驗下．．


第３，　已經答左你，在冇帶套冇食藥情況下．．陰莖入過陰道都有機會令女方大肚．．


第４，　唔肯定你所講既係唔係白帶，可能係女性在性行為期間既分泌，冇話唔正常．．不過都要提下你．．塞手指入去好易搞到女方陰道發炎，最好先清潔你隻手指．．


第５，　你要知陰道有冇受傷請你睇番第１題，我講得已經好清楚～


陰液可以係白色杰身既，可以係透明既水狀，個ｄ唔一定係你既精液．．


最後又提醒你．．令你難堪都要架啦．．見你係男仔．．你應該要做足安全措施，帶套食藥（女方）你應該要考慮，未諗過有ｂｂ點算就開始性行為係不負責任既行為．．ｂｂ都係生命，係你２個既愛情結晶，請你為女朋友同小生命著想．．唔內射唔等如冇ｂｂ．．要記住啦．．祝你地幸福，希望打咁多野幫到你啦～

2010-01-03 13:14:24 補充：
１１月１１號完M．．即係M第１日係幾時？如果咁講佢係咪１２月冇黎過M？如果M遲黎建議你地買定驗孕棒check下啦．．．

因為２種液體都係奶白色．．所以就算係白色液體流出黎都唔能夠否定冇精液．．．肉眼分唔到的．．

1,冇錯,係比你太過激,用手指弄損左佢裡面,所以佢小便會痛,,2,冇內射,唔等於冇機會,冇帶套幾時都有機會有左,,3,就算你拎返出黎射,都有機會有,因為做既時候,會有精液流出你唔知,,4,那些不是白帶,是佢的陰液和你的精液,,5,你講得啱喇,,,以後最好惜住對方,,大家都是想快樂,唔係想痛苦呀...哥哥仔....