倉鼠受傷!!!!!!!!!(杰請入!!)

A.你而家做得正確,出現打交既情況,一定要分籠,唔係到打得更傷甚至打死先唻處理就太遲了,鼠鼠唔會覺得寂寞,鼠鼠打交後一定會好驚,驚or唔舒服都要出現成日呢埋既情況
倉鼠打交係因為佢地本身就係獨居動物,根本唔適合同其他鼠一齊住既,其實之前就算你冇見到佢打,都已經一定要分籠,一開始一籠一鼠更好;鼠鼠好細膽,有人睇住or聽到有第d聲音既時候,一般較少會打(當然亦有好多望實佢都打生打死既例子),加上鼠鼠係夜行動物,半夜先係最活躍,打起上唻真係死左都冇人知,而家未有打死鼠既時候將鼠鼠分籠,點都好過你見到死鼠先唻後悔
我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係玩,甚至話係增進感情,好彩就打唔傷,但留意一下過去既知識,就見到有不少鼠打傷打死

我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既;沖完涼再放埋一齊既方法我都試過好多次,一樣打得好勁

小銀孤係dwarf hamster其中一個品種,而如果兩隻鼠唔同品種,打死打傷機會更大


其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況


B.打交受傷既處理方法如下:
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠

7)如果流血既情況嚴重,
其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757



8)打交係可能會打甩毛,咁既話d毛會慢慢生返出唻,但亦有機會係受驚而誘發皮膚病,所以分籠後留意返鼠鼠既情況,好耐都生唔返or惡化先會係皮膚病



預防皮膚病方法:
http://hk.knowledge.yahoo.com/question?qid=7009083001889
皮膚病處理方法:
http://hk.knowledge.yahoo.com/question?qid=7009090201949

我之前養ge倉鼠都打過交,打交之後一定要分開住,吾係ge話佢地會攻擊人地ge傷口,搞得更嚴重. 如果傷勢吾太嚴重,幾日就會好返,放心.
佢地會飲多d水係自然現象. 留意水的份量! 佢地打交之後會少d活動. (可能係傷口痛) 暫時千奇吾好比佢地見面. 傷口部分耐左會變深紅色(差吾多好返) 甩毛地方有可能吾會生返...我吾太知...hope can help you

2010-01-01 09:55:32 補充：
最好不要碰他們的傷口

2010-01-01 10:04:15 補充：
甩毛ge地方應該係打交果陣咬甩ge,甩毛之後會見到紅色ge皮膚,紅色的傷口如果沒變深紅色的話,有可能係純粹甩毛.

你這樣做.很對.打完架的倉鼠都不會這麼活潑.分了籠牠們不會覺得寂寞.只要你常關心牠們就行.