盾龜問題~~請教一下

可能賣比你嘅商人會話好易養，淨係比菜佢哋食就可以，但其實佢哋都需要均衡飲食，佢哋需要嘅係高纖，低旦白嘅植物，菜其實都係水份高咗啲，可以比佢哋食，尤其係細細個果陣，但比菜之餘，可以加一種牧草(叫timothy, 係一般寵物用品舖買到)比佢哋食，但一定要剪得好碎好碎，等佢哋習慣，再慢慢將比例加多，直至完全取代菜為至，如果比菜，可以比油麥菜﹑菜芯﹑芥蘭等，但吾應該比生菜﹑西生菜等高水份嘅菜，除此之外，我哋仲可以比車前草﹑大紅花葉﹑仙人掌﹑蕃薯葉﹑蒲公英等等，人哋教每餐最好有幾樣吾同嘅植物。

我自己就會比一日一餐(吾可以任佢哋食，食得太多，大得太快，有機會會造成器官衰竭)，菜，加龜糧(2粒，同水浸淋)，再加剪得好碎嘅timothy草，一星期加兩次鈣粉，間吾中買啲車前草﹑蕃薯葉比佢哋食，屋企種咗大紅花，遲啲會種埋仙人掌，希望佢哋飲食會均衡啲，慢慢將菜轉番晒野草。

特別要注意嘅地方︰

- 吾可以比高旦白質嘅食物比佢哋，例如︰肉類，狗糧等，會令佢哋嘅殼變形突起！

2) 由於生果屬於高水份嘅食物，基本上吾應該比佢哋食，但龜龜又真係好鍾意食，所以好間吾中我都會比少少佢哋食，例如︰而家我會一至兩星期比一次生果佢哋食，我會比紅蘿蔔(3-4條，切條)/蘋果(1/8個)/士多啤梨(1粒)/南瓜(少許)等！

裝備方面︰

其實養龜，應該留意佢原產地係點，如果你可以provide一個以佢原產地為藍本嘅環境比佢，都包冇錯。以盾臂龜為例，佢哋生於非洲(熱帶地區)，所以佢哋係冇冬眠嘅(原來真係有人養盾臂龜，以為佢哋會冬眠，咁你吾比嘢佢哋食，佢哋吾死至怪！)

浸浴方面︰

由於佢哋最大機會係生腎石，而佢哋細果係吾係咁識儲水，所以啲人教，BB返嚟，最好每日浸一次浴， 水溫大約30-40°C，15 - 20分鐘，一嚟等佢可以飲水，二嚟等佢排泄，當然排泄咗，就梗係要換水再浸啦﹔再大啲，就可以隔日先浸，如此類推，但最好要有一個水盤比佢自己飲水，記住，佢哋越大個，儲水能力就越高，浸浴嘅次數可以越嚟越少！


以下係我個人呢兩年觀察到的︰

1) 佢哋係室內會靜好多，一放戶外，佢哋即時生猛晒，食都食多啲！

2) 雖然話非洲龜吾怕熱，但太熱都係吾得嘅，我試過放係花園，階磚嚟，夏天有成40°C以上，佢哋真係熱到跳舞，重嘔白泡添，所以就算放出戶外，都一定要有遮蔽嘅地方比佢哋遮蔭！

3) 比啲障礙物佢哋，例如︰橋，佢哋識得爬上去，好得意架！

4) 如果室內，我試過做兩層高，有樓梯嘅屋比佢哋，佢哋真係自己識爬上去搵嘢食！

5) 我兩隻龜應該係一男一女，女嘅吾知係咪天性，特別鍾意挖洞，就算冇得比佢挖，佢都會挖，但男果個就好少咁做！



以上係我個人養盾臂龜嘅心得，希望幫到你。

我唸您唔好日日淨係俾菜葉佢食; 最好食返龜糧, MAZURI果隻牌子唔錯, 一包有一磅, 我每日只係俾兩至三粒, 加少少水浸軟; 因為顆粒較大, 每粒最好撕開一半; 菜葉大約一週餵兩次; 每週加少少維生素粉及鈣粉一至兩次

2010-01-07 14:36:45 補充：
您養的是非洲盾臂龜/陸龜嗎? 因為旺角賣緊果D, 好多都將水龜、草龜、珍珠龜都話係盾龜。記住, 龜龜食完野後, 一小時內唔好熄燈; 熄咗燈, 佢地會訓覺, 影響消化