可能bb唔係計劃生育, 一切係意外有左隨之而來一連串事情發生, 生仔>>無工作>>全職湊, 由以前乜家務都唔做乜都唔曉, 唔愛小朋友到自己湊b自己打理家務教工人>>請工人又比工人炒又搵勞工法防被人告>>又請工人>>教工人自己又湊住bb>>
我希望, 照顧好老公飲食,bb飲食, 教好bb, 工人聽話唔好偷野, 屋企干淨, 唔好洗凸家用, 自己休息好有d私人時間....不過日日對住工人同b, 自己放心唔到離開b半步, 有工人都唔敢自己走出街行下或做運動... 之所以話自己可能比太多束縛自己就係::工人湊得bb好又驚bb痴工人, 又唔鐘意個老公覺得工人仲比老婆本事, 工人湊得bb唔好又仲擔心.. 如果唔要工人, 我情緒亦好差, 訓唔夠少少私人時間都無,又累又腰背痛, 可能要等bb再大少少先考慮. 其實工人主要係做家務, 有少少時間就幫我睇住下bb等我可以訓夠先湊返. (但係呢個工人就連睇住bb果一陣都唔令我放心, 如唔記得同b保暖/教b唔正廣東話/安全意識衛生低/如果我就訓都無覺好訓)
我好似成日為少事發工人脾氣, 自己又生氣. 老公又唔明仲成日話發工人脾氣, 又幫工人講說話.. 佢唔明我忟乜, 連我自己都講唔清楚, 點解自己要咁忟燥, 例如天氣凍提工人幫bb著衫, 工人日日都唔記要日日提至少5-10次點幫bb保暖(著衫關窗著物), 我唔提佢又唔放心, bb病又係煩, 睇住工人做自己又休息唔到, 唔睇實亦唔安心休息唔夠訓... 加上屋企始終多左個"外人" 樣樣事都唔放心.
以前未生時過既生活天潤之別, 以前好似正常生活返工, 飲茶吹水, 放工行街shopping, 想點就點. 就算失業,工作失意都唔會似而家咁透唔到氣既感覺, 唔會情緒咁大起大跌.
無後悔生左, 但每日有透唔到氣既情況, 家人話係自己比壓力自己, 無人比壓力我, 咁我點先可以放鬆到. 日日就係諗晚上煮乜送, 同bb玩下教下佢, 留意b健康, 諗bb食乜3餐, 記得bb飲食各方面有冇異樣, 教工人呢樣果樣又提又教又話...
更新1:
多謝, 多謝各位鼓勵! 有時真係覺得好辛苦. 唔係有工人等於唔使做少奶奶, 請親d工人同自己夾唔黎件事變相更辛苦
