怎申請居屋?

無最佳解答

有物業是不可以申請居屋的
你只可以用兩兄弟組合入紙, 不過非核心家庭, 會編去後補
即使物業業主只你父或母其中一個, 如父親是業主, 也不可以填母親名字, 因為家庭成員的配偶有物業也不可以, 除非你父母離婚, 或者先賣左層樓, 兩年後申請, 因為申請日期前兩年內不可以擁有私人住宅物業

除了收入限制外, 也有資產限制, 一般三至四人家庭, 總資產不可以超過六十萬, 包括不動產, 如股票及任何形式的銀行存款

申請手續, 是當房署有居屋推出開售時, 到房署攞份申請表格, 連有關資料, 如家庭成員身份証明文件及收入証明等副本, 在指定限期內遞交到房署就可以,
抽簽後, 會個別通知有關號及結果. 如果有機會揀樓, 會通知約見, 再詳細審查有關資格, 如家庭成員名單內各人之收人證明及資產證明, 如無問題, 會俾你有關樓書及樓價表, 安排日期時間揀樓, 揀到要即日交首期. 白表要交10%樓價, 到時會俾個時間表你, 話你知要幾時上到會, 幾時交樓等手續... 咁你要安排到銀行做按揭等事宜

以前居屋係買樓花, 你最多可以先去樓盤地盤附近睇吓環境, 依家賣既都係貨尾, 房署會開賣前開放現樓示範單位俾公眾睇吓先, 但只限幾個單位囉, 並唔係可以個個單位入去睇囉...

呢排都唔聽見話有居屋推出喎

一係你可以喺二手市場度買二手居屋, 不受任何入息資產限制, 不過白表人士, 即係唔係公屋住戶, 要補地價; 你可以去心儀的居屋地點附近既地產舖度睇吓行情先, 但二手居屋, 因為無房署包底, 銀行無得按九成, 首期要俾多啲..