總係冇一個best frd (長)

由細細個開始,同d朋友既關係已經好唔穩定~
好多時無同人嘈過,人地就慢慢疏遠自己,
到後來變到對'搶frd'好敏感,
亦容易因為自己同好友之間多左一個人刻意介入而煩惱,
最終接受唔到而離開左班朋友~
慢慢,已經變到冇人再同我玩,
而且愈黎愈多人係見到面都互相迴避咁.
中二果陣已經開始冇幾個朋友,
可能係性格內向同講野悶既關係,
識左既朋友總會慢慢疏遠.
到升f3果陣,已經冇曬朋友,
日日自己一個人食飯,
成日諗到自己好寂寞,想搵個傾訴到既人都冇~
曾經好主動努力約人食飯,
但自己班入面d人一堆堆埋唔到,
其他班既人難約時間又慢慢識到自己班d朋友,
所以成日都要自己一個食野,
間唔中會聽到d難聽說話,
自己真係好唔開心,點解無段友誼可以長久??
到f3尾,先勉強識到新一班朋友,
一直到而家f5,我其實都有一堆不滿,
成日比佢地蝦/無視/etc
但我已經唔敢再嘈,我好怕我會再一次失去朋友.
冇曬朋友既感覺真係好可怕好孤獨...
我寧可選擇比人串比人無視比人蝦,
都唔想再試無曬朋友既滋味.
有時屈埋屈埋或者比佢地講野刺激到都會好想喊~
a係果堆朋友入面,我靠佢埋到堆既~
我分班同佢同一班,初時關係都ok.
但慢慢愈黎愈比佢無視~
例如2人一組(要考試)果陣同第2個一組,
小息果陣搵第2班既朋友落去食野唔叫埋我~
有次,b朋友要補課,我諗住咁我同a一齊番屋企先啦~
點知搵黎搵去都搵唔到a,最後先響地下搵到佢同c朋友吹緊水.
我話,你諗住等埋b先走啊? 佢話係.
b朋友補課要等多成個鐘佢都寧願等佢一齊走都唔同我放學,
成日粒聲唔出又唔見左..只會搵c同a.
果次有d 活動join,我拎住張報名表問岩岩入班房既a,問佢會唔會join,
佢話,join啊,我就係過去問完b我先join既.
之前我都有問過a join唔join,但佢就推辭話[諗下先],[可能]呢d模凌2可既答案~
但原來佢都有意join,只不過前提係要有b陪佢.
好多類似呢d比人無視既情況我都忍,因為我知我已經嘈唔起,
以往同其他朋友嘈過,總係冇好結果,所以我忍.
但其實我真係好想要一個best frd,係佢當我係best fd我又當佢係果隻.
而家呢班朋友入面我根本冇一個最好既朋友,
行路果陣成日比佢地從後插入黎迫開我,
我只可以行後面or最旁邊.
有次c迫唔入,大叫:你地洗唔洗咁排擠我啊?
a同b即刻攬住佢,我又比人迫開左
後來有次我想行埋d但又狂比人迫開,我就話:
你地3個洗唔洗痴得咁埋啊我好似比人無視咁.
c就話:我鐘意啊,吹咩?
有時真係好想離開,但我本身少朋友,
而且d朋友大多數係有自己一班好好既朋友,
我根本就搵唔到一個可以比我傾心事,有咩都可以搵埋佢既人.
有咩方法可以改善? 點解會咁?
我已經忍左好耐啦!我有3次友誼都係出現長期以上情況而忍無可忍,嘈完之後冇frd做
我好驚我一嘈就會連而家既朋友都冇埋~
有時同自己講,咁abc真係識得耐d嘛..
然後又諗番起自己以前幾段友誼,
明明自己同朋友識得耐過新介入者,但就總成為被玩被無視被排擠果個.
我都知人地咁做係有原因,但我出左咩問題自己都唔知~
曾經響前一段友誼嘈果時問過我究竟出左咩問題令佢地咁對我避我,
但冇人講...
我中一果陣同班朋友好好,成績都唔錯,
但接受唔到有人係咁搶frd之後自己走,成績就一直差到而家(f3果陣最差)
我發現同d朋友關係愈好,成績就會愈好(可能少d野煩
自問內向,樣子差,但人就好天真好易信人~
又唔識好似d多朋友既人咁搞氣氛~
自己樣又差,變左朋友都比較少...

打到呢度我已經唔知自己想講咩= =
睇得明既人就唔該幫手諗下點先可以改善...