日本經濟差，但日本人生活好?

日本只是本土經濟差。
部份企業破產，從來只是經濟整合，汰弱留強。
他們的投資回報遍及世界。
可以查看日本持有的外資儲備，前列世界，知名大國有所不如。
日元的兌換率都在歷史高水平。

不必憤慨。臨淵羨魚，不如結網。

樓主留意一樣野,論據不足支持立場~
所以要留意數據的支持是很重要的
在沒有任何重要的數據支持下,立場是不足說服的
還有不要以為長篇大論便一定可以拿到最佳解答
重點是很重要的
還有,不要亂說別人膠,可能他只是對事情有誤解而已

要是樓主有這樣的感覺,可能睇得一般日劇太多吧

這樣的情況和內地同胞睇香港電視劇根本好難想像到香港人有咩難處

要是想從日劇知道日本有D咩社會問題,有些日劇都有去探討,
較舊的我記得有「十四歲的教科書」和「Life」,就是反映日本嚴重的校園欺凌

就算係「蠟筆小新」,其實都有諷刺日本社會的意味,我想這是臼井儀會「踩界」的原因只是因為是卡通的關係,而且我們又不是日本人,其意味較難捉摸,

本來都唔想答呢條問題，但見到樓上既膠論，實在忍唔住要講幾句。

日本生活有幾好﹖我完全唔明樓主點解會有咁既印象。你未聽過日本有人過勞死﹖知唔知過勞死係咩意思﹖即係連續幾日無訓過做野做到死為止！你估下過勞死既係咩人﹖係多勞多多得既藝人或生意人嗎﹖絕對唔係！佢地只係一般打工仔！佢地點解做野要咁辛苦﹖無他，為供樓、為仔女、為養家攞！老實講，聽其他人做野辛苦聽得多，辛苦到好似日本仔咁做到死係office真係未聽過。

樓主好明顯唔係咁清楚咩叫好生活。如果你認同好生活係指一個正常人可以有份穩定職業、生活無憂既話，咁日本呢十幾年既發展就絕對離呢啲指標好遠。日本以前興終身就業，雖然上述講既過勞死就係發生係呢啲終身員工身上，但依家既情況係你就算想做到死都無機會！因為日本依家面對緊同香港差不多既經濟持續轉型期，好多有學歷既年輕人想搵份好啲既工都好難，日本作家形容呢個係“下流社會”或“M型社會”。所謂“下流”唔係指道德差劣，而係指日本既中產階層已經唔似得以前一樣咁安居落業，而係即使拼盡全力都未有一個安身之所，而且又要面對日益昂貴既生活開支，令生活水準與下層社會愈來愈差不多。

日本睇落係無咩問題，但呢啲係膚淺既睇法。正如香港1997年之後睇落都無咩問題，只係股樓價跌左之麻，關普羅大眾咩事，但大家夠唔夠膽話香港人呢十幾年好幸福﹖日本同香港既情況差不多，兩地既“差”係以已發展地區既標準而言，係發展中國家或第三世界，兩餐唔憂，又能活過40歲就已經叫幸福。但對於我地呢啲已發展地區既居民而已，幸福唔係只能粗安苟活就可，而係人人都想有一個理想既生活。包括有一間屬於自己既屋，有一個幸福家庭，自己事業不斷有發展，然後生活可以不斷得到改善等要求。可惜既係，論日本定香港，依家社會都不斷下流化，上述既理想愈來愈難實現。

講兩個故仔比樓主聽。我睇過一本由日本作家寫既書，本書主要係教年輕人點根據自己既興趣及能力計劃將來事業，入面講左個好令人心嗡既故事。作者話佢係東京街頭，週不時都見到一啲得十幾歲既年輕人，掛個牌係心口企係街上，一日風雨不改企足十幾小時，佢既工作只係指示路人某個樓盤或展銷會既位置，除此之外完全無野做，賺既人工連食晏都未必夠，佢番工甚至要靠行路。呢啲年輕人大可向自己屋企或政府伸手要錢，佢地肯定兩餐無憂，而事實上亦真係有唔少年輕既“御宅族”係咁做，但樓主你認為呢種浪費青春既生活真係好嗎﹖定係你會認同作者所講，呢啲浪費青春既卑劣行為唔應該係社會出現﹖

另外，近年有唔少中年日本人因公司裁員而被迫露宿，佢地有好多聯群結隊係公園、路邊過活，同樣佢地都兩餐無憂，因為有政府接濟，但佢地人到中年先失業，唔單止無左份工，失去既更係尊嚴、理想及安樂既日子，而且仲要面對露宿街頭既各種困境，樓主覺得咁係唔係好生活呢﹖當然露宿者處處都有，但日本某啲情況實在無法令人覺得問題唔嚴重，有唔少去過日本既網友都話近年東京街頭唔止多左露宿者，而且仲要多到佔去左好多你唸都唸唔到既地方。有個網友話佢有一晚係東京發現佢見到既每一個電話亭內都有一個露宿者訓覺，而露宿者或失業人到山邊自殺亦時有所聞，如果問題去到咁都唔算嚴重，我真係無野好講。

好多人講起日本就好似樓上位網友咁，鐘意將日本呢個世界其中一個最先進既國家同剛剛起步發展既中國比較，跟住就對中國多多批評。咁樣做等如球王比利話一個小學生踢波差一樣咁幼稚可笑。要比較就要與同級既地方比較，例如將香港同日本比較就較有意義，不幸既係兩地呢十幾年都無行過咩好運。誠然，純粹睇數字，兩地無論係經濟增長、失業率、社會發展等多方面都唔差，香港同日本好多數字甚至係世界第一(連名列前茅都唔係)，但咁唔代表兩地呢十幾年真係行緊大運，正如俗語講，“有苦自己知”，而大家亦係你睇我好，我睇你好，實情係兩地都要為社會愈來愈嚴重既貧富懸殊及社會難以再高速發展而發愁，兩地人民雖然生活尚可，但遠非無憂無慮。

2010-01-12 22:20:08 補充：
四樓朋友唔好誤會，小弟覺得發膠論既只係一樓位仁兄姐，我覺得樓主有發問精神好好。想回三樓，我覺得你講得好好，日本經濟差其實好多時只係指國內情形，不過咁已經好大鑊，因為升斗小市民完全受內部經濟環境影響，日本係國外幾威賺幾多錢都無用，一般小市民根本享受唔到經濟成長既果實，情形同香港好似，富者愈富，貧者愈貧。

經濟向來都是數字游戱,並且不和生活質素掛勾,中國大陸經濟發展全球之冠,但貧富縣殊,罪惡多多.污染嚴重。

生活質素很大程度和管治能力和民智有關。

2009-12-31 12:10:40 補充：
由此可見,盲目追GDP增長.而漠視其他社會問題是何等愚蠢的管治。