請問 BENQ LCD MON 的DCR 係咩意思?

DCR全寫係Dynamic contrast ratio,即係動態對比度.
一般LCD mon最大弱點係對比度低,黑位唔夠黑,但如果較低亮度,又到光位唔夠光.
DCR既原理就係跟據畫面光暗位多小而自動調整亮度.例如係夜景咁個mon就會自動變暗,日頭畫面個mon就會自動調光.所以你會發覺規格度既真實對比度同動態對比度係差好遠的,例如真實對比度係1000:1的話,動態對比度可以去到4000:1,甚至10000:1都唔出奇.咁就可以話俾人聽個mon好正.
就咁睇呢種技術似乎都幾正,不過咁處理其實係有問題的,畫面光暗位差不多多小的時候固然冇乜效果.最大問題反而係大片暗位加小量光位或者大片光位加小量暗位,其中一個例子就係字幕,開咗動態對比功能,一到夜景啲字幕就會暗晒,又例如星空啲星星就暗晒,反過來日光日白有架黑車的話就會變灰車.所以係有辣有唔辣,唔係開咗就好的.
詳情可以睇以下網頁.
http://www.cnet.com/8301-17914_1-9985085-89.html