我可以怎樣從零到會計

那要視乎你想做會計乜工種. 會計有很多工種, 學歷及工作要求亦不一樣.
如果做會計文員, 中五或中七學歷加有LCCI中或高級會計證書係最低要求, 有些會要求你懂一些電腦會計軟件及有一定工作經驗. 現時好多公司請會計文員都要有工作經驗, 無經驗會幾難搵工. 新入職零經驗做會計文員通常只得$5K-$6K一個月. 雖然會計文員可以萬幾一個月, 但起碼要做好幾年先有. 仲有, 你要留意有些私人機構唔承認毅進學歷.
如果你講到想考會計師牌, 請恕我講一句無大學學位條路會比有大學學位行得長及無咁順利. 現今學歷通脹, 會計工作要求係愈來愈高. 如果講會計師樓, 最大四間(big4)一定只會請大學畢業(唔計行政類別的工作), 中型大都係多數要大學畢業, 小型都趨向請文憑及高級文憑畢業, 甚至向大學會計系畢業生招手. 大學名亦都係重要, 三大會多D畢業生入去Big4做, 僱主普遍喜歡中大及科大畢業生. 大會計師樓請應屆畢業生係$11,000一個月, 中型人工差不多, 小型會更低.
有些人做了幾個月/幾年會計師樓後會選擇到私人機構擔任會計工作, 或者去政府有關部門工作(例如稅局及審計署), 或者自己開會計師樓執業. 前兩樣多數要大學畢業, 做過Big4係會有較大優勢, 但不是絕對, 因為你工作經驗做過乜都係重要, 香港多數上市公司會搵Big4負責核數, 但有些中小企亦會搵Big4做核數, 負責過大核數會更好. 有D所謂筍工係人地請你過去幫手, 人地請你過去係因為你對公司個會計系統好熟悉而請你過去幫手.
以上只係會計行業入行的基本資料, 未必齊全. 如果你想知道更多, 你可以多看一些招聘廣告及一些有會計行業討論的討論區. 雖然只是基本資料, 但對你了解行業有幫助, 從而決定自己將來如何進修, 甚至應否讀會計.
如果你由毅進開始, 行返中六/七條路已經無可能. 再者下一年係最後一年會考, 重讀又未必有學校肯收. 可行既路已經非常少, 而毅進畢業有以下方法考牌做會計師:
a. 高級文憑-->大學會計學位-->QP
b. 高級文憑-->自己再考AAT及PBE, 或者考ACCA-->QP(考完PBE)
c. 文憑-->高級文憑-->之後同a或b一樣.
d. 讀完毅進之後就開始讀AAT或ACCA. 如選擇考AAT, 全部卷合格後考PBE, 之後QP.
e. 副學士先修-->會計學副學士-->大學會計學位-->QP
先聲明, 我會建議跟a方法行, 但高級文憑及副學士升八大商科學位會比較難.
仲有, 我建議你讀好英文, 因為會計行業幾重視英文. 會計守則不但用英文寫, 出去做野時亦會用英文.

2009-12-30 09:26:51 補充：
如果你對會計一點認識也沒有, 我會建議你先讀LCCI低級及中級. 先讓自己對會計有一個好基本認識, 總好過你一去就讀文憑或者考ACCA/AAT, 到時讀讀下先發覺自己無興趣, 所浪費的時間及金錢會比讀LCCI多得多.

2009-12-30 15:20:53 補充：
課程資料我建議你自己多些問其他人意見, 總好過只聽院校及一些所謂打手的介紹, 因為這些一定只會講好說話. LCCI其實亦可以自修, 學校上堂不外乎講下書及做下試題. 你可以先借一些會計書睇下自己能否看得明, 唔明先上補習班. 有些補習班會幫你代報考LCCI, 所以報之前最好問清楚.

LCCI 只係會計文員入行最低資格


你可以試下以下免費課程,

1.香港專業進修學校

實用會計及商務證書課程(LCC&I Level 2)
or
HKIAAT認可會計文員證書課程

課程涵蓋各類型公司與團體之會計處理，及電腦會計軟件(MYOB)之應用，課程完成後可安排學員報考「LCC&I(level 2)中級簿記及會計考試」。此外，學員亦可以同時報考LCC&I之「中級電腦會計」和「中級商業實務」公開考試。

http://svt.hkct.edu.hk/details.php?id=238

http://svt.hkct.edu.hk/details.php?id=300

P.S. :比較專業 and 實用

2.基督教勵行會
初級簿記證書課程.

中文筆記，英文題目，廣東話授課。內容按英國倫敦商會(LCCI)第一級課程編訂。將交易事項入簿轉賬，編製試算表，調整賬項，製作損益表及資產負債表，達至會計行業全盤賬目的要求，並製作銀行往來調節表等會計應用文件。
課程另討論日常會計工作的操作，制作運用資金報表，客戶月結單及編碼等。全面兼顧應徵文職工作的需要，並教授電腦軟件應用包括 Excel在會計工作上的基本際運用
http://www.cats.org.hk/cats/course/1,56/502.html

P.S.比較適合初學者



入行後再讀上去,考ATE or ACCA

2009-12-31 21:06:50 補充：
3個都係同僱員再培訓局合辦,認受性高,學費全免,有培訓津貼

你可以去明愛或其他學店報讀 LCCI, 然後再報考 LCCI, 通常你在這間學校讀的話, 這間學校都會幫你代報考一次的, 但之後就要自己向 LCCI 香港辦事處報考 !!

如果你完全未讀過會計的話, 咁當然係由 first level 開始讀起同埋考起啦 !! 我以前同你一樣, 中學時期都係讀理科, 而且會考係完全衰晒添 !! 之後我出嚟做嘢, 一邊做嘢, 一邊夜晚去明愛讀 LCCI, 每星期只係番一至兩晚 !! 我續個 level 咁讀上去, 考上去, 宜家咁多個 level 嘅證書都有齊啦 !!