選購投影机projector時應注意那些要素?

首先你部投影機係用來做甚麼用途?
如果係教學或者演講用途,由於有機會唔可以熄晒燈,咁投影機既亮度就好重要,如果投既畫面要大的話,咁真係要二,三千甚至更高亮度.但如果係作家庭影院用途,由於係預咗全黑環境睇,如果你只係120吋或以下的屏幕的話,咁其實七,八ansi百流明已經足夠.因為通常亮度高既投影機對比度表現都比較差,唔係咁適合睇戲.冇錯係有啲又高亮度,對比度都有翻咁上下既頂級機,不過價錢會好嚇人,分分鐘係專用機既幾倍價錢.
教學用投影機,由於多數係播放電腦畫面,黑位唔多,最緊要夠光,解像度夠用,駛唔駛經常攞出街,要的話重量都係考慮.投影距離夠唔夠短,因為好多時啲斑房,辦公室都冇乜位.長投影距離既機型畫面有機會因為唔夠位而放得唔夠大.亮度當然同投影距離有關,越遠畫面越大,亮度也要越高.一般用途如果唔係太燈光火着,投100吋以下,2000 ansi流明己經好夠.
至於影院用途方面,就要睇投影技術類型,解像度,對比度,設置的方便性,有冇倍頻等功能.考慮好多,好難三言兩語講得晒,基本建議係必選1920 x 1080解像度的面版.起碼有垂直len shift方便吊天花安裝.投影距離要配合屋企安裝位置.亮度考慮反而係次要,因為要獲得最好效果,必定要熄晒燈全黑睇,經常有人問有邊部機可以開燈都有好效果,事實上係冇的.即使好微小既燈光都會大大降低畫面對比度.搞到矇查查.
你可以去以下網頁睇下熱門投影機既評測.
http://www.projectorcentral.com/