將倉鼠分籠既方法是好是壞?

A.咁分籠雖然唔會再繁殖落去,但鼠鼠係獨居動物,一籠唔止一鼠就易打交or因壓力而生病,就算同一胎都係一樣

鼠鼠天生習慣獨自生活,係冇家庭觀念,野生既鼠自己一個住,到發情時先走埋一齊交配,交配後就各散東西,鼠爸係完全唔會接觸到鼠b,鼠b出世後21日左右,戒奶後鼠媽就會離開鼠b,鼠b同鼠b亦唔會一齊住
特別係
鼠鼠好細膽,有人睇住or聽到有第d聲音既時候,一般較少會打(當然亦有好多望實佢都打生打死既例子),加上鼠鼠係夜行動物,半夜先係最活躍,打起上唻真係死左都冇人知,而家未有打死鼠既時候將鼠鼠分籠,點都好過你見到死鼠先唻後悔
我細個時試過一籠放兩兄弟,個籠好大,有2間屋仔,2個瞭望台,2個食物盆,一直我都會放大量鼠糧俾鼠鼠,食一星期都食唔晒,而且好多野都有兩樣,平日佢地會互舔身體同一齊訓,兩隻都從未咬過人,最初都未見過佢地打交,算係好似相處得好好吧?但最後就係我外出一陣之後,佢地一樣打到頭都甩,所以就算係再大既籠,同性唔同性,係咪同一胎,其實都會打既;沖完涼再放埋一齊既方法我都試過好多次,一樣打得好勁


其實鼠鼠最好分籠,希望你
可以勸下你朋友一籠一鼠,實在有好多人發問完,照樣一籠兩鼠,之後再唻問打交點處理,睇到鼠鼠打交既發問,甚至打死晒同放死鼠既相片,我都感到好心痛
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既

2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)就算唔打傷打死,都會感到壓力,壓力會誘發甩毛肚瀉等疾病
5)一籠唔止一鼠,仲會較惡,特別易咬人同比較難同主人熟
6)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶


B.倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔.
而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女
大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
仲要留意,細隻既鼠真係好難分,鼠店都有錯既情況,所以最好睇真d,有唔止一隻鼠去睇就易睇得多


冇特地去影鼠鼠既下身,抱歉,但可以從背部睇落去:


圖片參考：http://i176.photobucket.com/albums/w162/kelvin320/080324-1.jpg


2009-12-29 20:55:13 補充：
見到你話會一籠一鼠真係好開心,希望你既朋友都會咁做啦,在另一發問見到有人棄鼠,好多人唔係一籠一鼠,最後都因打交or繁殖而遺棄鼠鼠,好慘

女個隻倉鼠下體都會有兩粒野。
如果遠d ge就係男近d ge就係女。
通常問d店員他地都會答。