[趣味]點解侵略美國一定要空降?

邊個話侵略美國要用空降兵﹖根本從來就無人做過！事實上，從來無人試過由空中攻擊過新大陸，無論大規模轟炸、空戰或空降都未試過，連小規模既戰術性空中攻擊都應該無，更唔好話由空中直接全面侵略。如果唔計同墨西哥既邊界衝突，美國立國以來比外國侵略過兩次，第一次係獨立戰爭，第二次係1812年既美英戰爭。唔駛理咁多野，總之美國被侵略既次數極少，而且次次都係由海路而來。唯一可以話由空中來既“攻擊”係二戰後期既日本氣球炸彈，不過由於成效太差，差到連有無造成人命傷亡或財物損失都無人知，所以唔算係正式既攻擊。

要用空中武力攻擊新大陸，一定要使用如戰略轟炸機、洲際飛彈或航艦戰鬥群上既海軍航空兵先可以。依家除美國外，只有少數國家如英、法兩國勉強可以話有呢個能力，但佢地係未來幾乎無可能攻擊美國，而其他國家唔係根本就無呢幾類武器，就係即使有都規模太小，無法有效攻擊美國。

事實上，英國已經好叻，因為佢係歷史上唯一非美洲國家係新大陸使用過空中武力，英國海軍於1982年奉命到南大西洋收復福克蘭群島。英國海軍旗艦赫姆斯(Hermes)號上既12架鷂式戰機及其他飛機係當時英國遠征艦隊唯一既空中武力。炮兵兄都可以唸到呢支空中武力係幾咁細小，而且佢地既使用只限於艦隊防空及對福島進行戰術轟炸，據我所知佢地從未對阿根廷大陸本土發動過攻擊。但即使係咁單薄既兵力，當時既英相戴卓爾夫人都要力排眾議先至可以出兵，而且無人睇好呢次行動，最後佢地凱旋回歸時大家都視為奇蹟。要打阿根廷呢個小國都咁艱難，而且可用既兵力又少得咁可憐，可想而知係新大陸任何地方發動空中攻擊係幾咁困難。

另外，絕對唔好睇少美軍既本土空防兵力。雖然美國本土防衛兵力用既都係二、三流武器，但請留意係美軍裝備既二、三流，去到外國呢啲裝備完全係一流戰備。美國國民警衛軍用既戰機可以有F-15、F-16、F-18等先進戰機，飛彈可以係仍然作為台灣空防主力既鷹式飛彈及由刺針飛彈改成既復仇者飛彈。呢啲都係經過實戰證實有效既裝備，而且絕不落伍，任何入侵美國本土既外國空軍都要面對呢啲相對前線美軍較弱，但戰力仍然強悍既空軍，除非入侵空軍比美國空軍更強大，否則根本無可能造成有意義既戰果。

仲有，由於空降兵係二次大戰表現麻麻，所以戰後都無國家再發動大規模空降作戰，空降兵依家只係一個理論上存在既兵種，實際意義不大，更唔好話用來突襲空防超強既美國。

2009-12-29 17:07:34 補充：
炮兵兄，蘇聯用空降兵打喀布爾好正常，因為蘇聯同阿富汗唔單止同屬於人類生存左最耐既歐亞大陸。而且兩國甚至係接壤，再加上蘇聯當時係超級大國，佢係阿富汗上空佔有絕對空優，亦唔需要有類似戰略轟炸機、洲際飛彈及航艦戰鬥群等長程兵力投射工具，以獅子撲兔之勢出兵，空降部隊投入作戰既風險幾近於零，而且預期阿富汗既抵抗都唔會好勁，係呢個情況下，空降兵從天而降既優勢反而可以得到最大發揮，所以蘇軍空降部隊先至可以突襲成功。

2009-12-29 17:26:57 補充：
點解我經常話空降兵效率低﹖原因有太多戰例證明如果攻擊方只要係領土上離敵人哪怕只係少少都會造成大災難。最出名及最大型既例子係盟軍係諾曼第地區既空降及德軍係克里特島既空降作戰。其中以諾曼第空降最災難性。以滑翔機空降既部隊傷亡率竟達90%！即使係以較正常途徑空降既部隊如101師及82師，佢地空降成功率雖然較高，但佢地用左極多時間集中，集中後又用左好多時間先至可以投入作戰。美英聯軍空降部隊既主要功勞係佔領多處重要交通要道，貢獻良多，但對對德軍既直接傷害唔算勁。呢次空降最值得注意既地方係進攻方只係要跨過僅有二十多哩既英吉利海峽，而盟軍又佔有絕對空優，但空降效果仍然咁差，實在無法令人滿意。

2009-12-29 17:53:46 補充：
克里特島戰役中德軍由希臘本土發動進攻，離該島只有幾百公里，唔算太長途飛行，但損失一樣慘重，15,000空降兵損達6,700人(包含戰死、失蹤、受傷及被俘人數)，雖然此戰勝利，但始終得不償失。一個小小克里特島都已經要損失接近一半空降兵，如果係大型戰役使用空降兵會有咩後果﹖所以德軍自此之後就無再發動大型空降作戰。

2009-12-29 18:04:34 補充：
值得注意既係之後發生於1956年既蘇彝士運河危機，法軍都有用空降兵，而且從純軍事角度來講幾成功，大約500名空降兵只有10人被殺，但呢次小成功無法保障法國於中東既利益，最後英法入侵聯軍始終係政治上無功而還，而兩國既政治威信亦大受打擊。

首先講明在GAME和電影世界咩都可以發生。但在今天的現實世界要入侵美國簡直是一個癲的事。

首先我都同意001的意見，現代戰爭都是先由導彈和戰機去摧毀對方的防空系統，雷達系統和軍事設置，把對方炸得七零八落，完全失去防衛能力，最後才用陸軍作掃蕩和佔領，最後得到勝利而以。

但用以上這方法去入侵美國就根本行不通。首先要入侵一個國家要用比對方大好幾倍的軍力。而由於美國位於大西洋和太平洋中間，要入侵她所用的軍力就要再多得多，今天的世界根本沒比美國強幾倍的國家存在，就算是幾個國家加起來都沒有這軍力。

再者要進攻美國要用好強大的海軍空軍力量，但這正是美國的強項。所以這又是天方夜譚。

我覺得如要入侵美國唯一方法是把自家幾百個以上的核戰全部發射，把整個美國和世界完全摧毀，之後假如你都未死的話，你不單止可入侵美國，全個世界都是你的。

1.不論什麼地方,以空軍投彈攻擊是最大殺傷力,偵察也準確.2.破壞一定程度才由裝甲部隊、傘兵、海軍、進入該地方清洗餘下敵方.3.就算用導彈,靈活不及飛机,又易被攔截擊落,所以現代軍事空軍為重(一人一机,殺傷力何其大,但成本最龐大).