✔ 最佳答案
A.鼠鼠在黃昏到半夜較活躍,玩得最耐就大約半夜3-5點
但你留意一下會見到,鼠鼠多數都係訓下食下玩下咁間住去,好少話真係長時間連續地訓覺,日頭都會有起身既時候
想同鼠鼠玩唔一定要半夜,黃昏後就可以,最緊要唔好一次玩太耐,未習慣時唔好玩住,玩之前要先叫鼠鼠既名,避免鼠鼠訓緊or未醒晒而受驚
而較凍or較熱,鼠鼠生病年老,活動時間會減少
B.正常情況下鼠鼠係唔會叫到令你覺得好嘈,雖然鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,只要俾多耐性唔好急住同鼠鼠玩,唔好令鼠鼠受驚,小心照顧鼠鼠唔好咁易病,一籠一鼠,一般係較少聽到鼠鼠叫
C.鼠鼠嘈主要因為玩轉輪,咬籠同爬籠
買靜音轉輪會好好多;咬籠爬籠既話,主要係因為鼠鼠牙痕,而緊張or感壓力都會,留意多d壓力及磨牙問題,避免呢d情況發生,萬一都係咁既話,亦可試下教鼠鼠,方法如下:
1.首先要同隻鼠鼠熟既先,唔熟好難教得識,而且易嚇親鼠鼠,會有反效果
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
b)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
c)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
d)再熟d再試下俾野佢食既摸下佢頭or身
e)佢都唔抗拒之後,可將食物放在手心,等佢行上唻食,慢慢佢會習慣左你既手
f)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱
2.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次
2009-12-27 20:36:11 補充：
唔知點解回答內容d位咁怪,明明同平日一樣格式,攪到好難睇,唔好意思
