3個月大的BB, 之前有些胎毒的粒粒都已經散去, 但現在經常會發現BB的面或身都有出粒粒, 通常在手同腳, 好細粒的, 有啲是紅色的, 有啲是無顏色的, 是甚麼來的? 已經十多天都沒有退...會不會是沖涼沒有再用清水過一次的問題呢? 但我用的是Seba Med, 佢話係唔洗過水的, 我朋友個BB都係咁用, 但就沒有出粒粒...
有時又會出一大粒好像暗瘡的瘡仔, 有生過係額頭同大脾, 幾日先至好...點解會咁呢? 仍是胎毒嗎?
另外BB沒有帶手套仔之後經常"R"自己塊面, 有時會"R"損, 損都唔緊要, 不過佢要到幾大先至唔再"R"自己塊面呢? 同埋唔知係咪佢成日咁"R", 啲指甲都"菌"哂黑邊...好肉酸, 我已經兩三日同佢剪一次指甲, 都剪得幾貼吓, 但係都仍然有點邊喎...點算?
同埋我想問如果BB塊面仔係咪一定要同佢搽BABY LOTION? 定還是好乾先同佢搽呢? 無乜嘢唔搽都得嗎? 我咁問係因為我BB的面仔其實唔算好乾, 不過又唔似人哋啲BB面仔好滑好滑嗰啲, 摸落有啲啲"鞋", 使唔使搽呢? 但BB面仔都有啲好細粒的暗粒, 又係啲乜嚟呢?
謝謝解答~
3個月大BB
2009-12-28 1:04 am
回答 (4)
2009-12-30 1:12 am
✔ 最佳答案
BB有三個月大，胎毒應該清得八八九九架喇，呢D粒粒有機會係敏感，有機會比野咬，不過因為睇唔到實際情況，所以若果你係擔心既，最好就帶佢睇醫生BB R自己塊面係好常見既事，其實而家天氣凍，你可以幫佢帶手套，一來可以保暖，二來可以保住塊面唔會R損。BB到四五個月大，就會減少R自己塊面，不過每個BB情況唔同，發展有快有慢，你都係做定預防功夫好D
佢指甲會困黑邊，多數都係抓得野多。除左要剪指甲外，每日沖涼時亦要記得清潔每隻手指
BB最好係每次沖涼同清潔完面部時都搽上BB專用既CREAM，簿符一層已經令BB皮膚滑嘟嘟。尤其而家天氣咁乾燥，仲更加要搽添。你可以試下MUSTXXXXLA，呢隻唔會好貴，但效果唔錯。
參考: 自己
2010-01-01 6:15 am
2009-12-30 6:11 am
對唔住都要問下,其實你愛唔愛你個bb嫁?3個月大的BB點可能指甲都"菌"哂黑邊,就算佢like"R"野,你會比d污jo野佢"r"???BB"R"自己塊面, 有時會"R"損,我都g控制唔到,因為我b6個多月都仲r,我都mo比手套佢帶,我想比佢撫多d唔同的野,但係你話*損都唔緊要*,BB塊面仔摸落有啲啲"鞋", 你仲話唔算好乾.......好勁呀你-.-v,你自己唸下同唔同佢搽野啦,我就有搽啦,我bb都用過Seba Med,用完好乾,轉過隻啦.bb成日出粒粒,可能對某d野敏感,自己留意下可能發現到,例如bb3仔,奶粉,天氣等等...如果太多粒粒就要see e生啦
2009-12-28 7:03 am
妳個BB撞啱這個天時咁乾燥,加上佢有皮膚過敏,所以佢既皮膚極之痕癢,妳皮膚痕都會抓啦,係嘛,BB的指甲不要剪得太過貼呀,仍好易會流血的,如果剪到流血,妳就大件事喇,BB一定要帶手套,BB沖涼既液體,一定要過水,因為皮膚個個不同,沖完涼一定要搽護膚露,超市有得賣(莊臣)係BB用既,BB如果真係妳所講咁多粒粒,就去睇中醫,等佢幫妳,呢道係冇人幫到妳,因為佢係BB,係唔可以亂講的...
收錄日期: 2021-04-20 00:03:25
原文連結 [永久失效]:
https://hk.answers.yahoo.com/question/index?qid=20091227000051KK01062