我同好朋友既關係好奇怪

我同個好朋友form3識,嘈佐好多次交先make到好朋友。依家大家都係form5同一班,但不停都有conflicts,大家有時都會對對方不滿,開學既時候都係坦白既,但係依家最多都係收埋係心到,唔講出黎,扮晒冇野咁。對上一次我同佢冷戰係因為佢覺得我同佐新朋友玩,忽略佐佢,但最後我都有打番電話比佢哄番佢。

我地既關係好奇怪,一時好到不得了,成日一齊玩,一時就大家一齊都冇話題,特別放新年假,暑假果d,番到黎就好似緩衝期,要慢慢先fd得番。

我唔知原因係咪因為我性格同佢完全相反,我同佢都係男仔頭,但係我都叫比佢女仔;佢講野好直接,我就多數婉轉d;我中意睇畫展,鐘意安靜,佢好中意熱鬧同埋玩;總之我同佢超級唔同。

有時,我覺得佢發我脾氣既原因,係對我好多要求。我同男仔玩,佢迎住我發姣,咁我就要同男仔保持距離;轉堂既時候,我通常係門口等佢一齊轉班,佢話我唔似等佢,成日自己行先,咁我之後都有等埋佢行;呢d都係好小事,我覺得朋友對我有要求都係正常既,我明白想要一個合自己心意既朋友都係正常。

但依家我對住女仔撒嬌既時候,佢叫我唔好發姣;我去第班搵人,佢叫我唔好望男仔;我同佢講有人鐘意我既時候,佢叫我唔好晒命;我唔開心,喊,佢話我成日都喊,都唔知唔開心d咩,但佢唔開心既時候,我會借個膊頭比佢,好多好多次佢為小事喊,我都冇埋怨過d咩。有時d野,唔係我唔想同佢分享,係我都要唸過度過講唔講,我同朋友出街,佢問我係邊個,迎住我同男仔出街,其實係男仔朋友咁幼點,點解唔可以?! 跟住佢就會話,成日同人出街,唔溫書,咩都唔講咁。我真係好唔開心,我好想問佢,我可以講比你听咩?!

可能佢覺得我係佢身邊係一件永遠既事,所以可以對我粗聲粗氣,一不滿就可以唔睬我,對住我可以口不擇言。其實我都有感受,我都覺得唔開心,對住佢,一個自我中心既人,我唔知講佐我既不滿出黎,佢會比咩回應我,可能係覺得我低B,無聊,小小事就唔開心。但我對住佢,我冇佐自己,好似受約束咁,好多次我都去哄番佢,叫佢坦白,但我都好想主動同佢講我對朋友都係有要求嫁。

好似係我自私,我依家好似要求緊佢比同樣付出我,但我對住佢,幾乎保護唔到自己,但我冇唸過要去放棄,要放棄既話一早就放棄佐啦,我努力佐咁耐,關係都係咁飄忽不定,好辛苦,我唔知應該點做,但係失去既話,我唔肯。

好長啊,但係我希望你會有耐性睇,幫下我,呢件事影響住我情緒,我溫唔到書啊! 唔該你地。