邊度買倉鼠好d? hope杰可以入嚟..

A.如果要買兩隻鼠放同一籠,無論係咩品種,兩隻女,兩隻男,一男一女,同一胎同or唔同性別,都一樣會有問題,都易會打交or因壓力而易生病,唔同性別,繁殖更加係好大問題,仲易會好惡

其實鼠鼠最好分籠,如果唔同性別,繁殖鼠鼠會有好多問題,希望你可以一籠一鼠,同時亦可以建議你朋友將鼠鼠分籠,避免打死打傷先唻後悔;我一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況


B.冇話邊間買鼠有保證,鼠既來源其實好多都係一樣,而個人認為大多數寵物店都有好多黑暗既情況,千萬唔好聽店員講既野就作出決定,一來因為鼠店係做生意既地方,講既野未必可信,二來鼠店店員既鼠知識都未必正確,我細個就係誤信俾鼠店好多錯誤既知識害死好多隻鼠
最緊要買既時候自己仔細觀察,唔好急慢慢揀,買之前了解多d,去到就要有自己既主見


揀鼠鼠要留意以下幾點:
1)最好夜少少先去買,因為鼠鼠係夜晚活動日頭訓覺,所以太早去買鼠鼠會比較呆,咁就難分佢係咪有病
2)唔多點郁既鼠鼠可能有病,好多病都會令鼠鼠好疲倦
3)留意鼠鼠身形會唔會特別肥or特別瘦,兩樣都唔好既,可能太早戒奶,唔健康or過肥,甚至體內有瘤腫
4)留意鼠鼠既毛有冇甩左一部份,會唔會有腫瘤,摸落去會唔會好"鞋"咁
5)眼睛唔好有眼水,要乾淨,可以完全張開
6)鼻要乾淨清潔
7)呼吸正常,唔會喘晒氣咁
8)腮部冇問題,可以正常地放野食入腮同整到出唻
9)排泄位置乾淨清楚,唔會瀉瀉地
10)冇外傷,冇流血


C.新手可考慮短毛熊仔鼠同小紫王,熊仔鼠貴d,大隻好多,而小紫王就係細品種唻講算係好乖既,當然首要尊重返鼠鼠獨局既天性,一籠多鼠既話,買咩品種都會好惡
如果想養熊仔鼠,有幾點要特別留意既:

1)倉鼠本身係獨居動物,而熊仔鼠比其他品種既鼠更早會攻擊同類,所以買既時候要檢查清楚有冇受傷.雖然買咩鼠都要睇真d,但熊仔鼠係打得特別勁既,連寵物度都好難話一個地方放好多隻.放到都受傷不淺,之前我去買熊仔鼠就見到好多好多都係咁
2) 因為熊仔鼠好大隻,所以所需空間都比較大,空間太小會令鼠鼠有壓力既.而轉輪都要大d,唔係大左就玩唔到架啦.
3)有d人會覺得細隻既鼠得意d,隻鼠大大下就會冇咁鍾意,所以要諗清楚係咪真係鍾意大大隻既熊仔鼠.
4)熊仔鼠我覺得係最怕人既,我一向都係養熊仔鼠多,有時熊仔鼠既牙掂到我,佢都會即時彈開.熊仔鼠咁細膽,所以佢驚你既時候就唔好勉強佢,但我覺得都好快熟到既


另外,養鼠前都一定要了解多D先,養前要考慮既事及飼養方法:
http://hk.knowledge.yahoo.com/question?qid=7009121001450
鼠用品資料及價錢:
http://hk.knowledge.yahoo.com/question?qid=7009112801771

2009-12-27 20:40:36 補充：
唔了解你講邊間,你可以去佢既網睇佢既分店資料:
http://www.redcarrot.com.hk/

2009-12-28 18:46:26 補充：
新手唔建議養小灰霸,性格較惡,因而叫小灰"霸"

2009-12-30 00:47:05 補充：
唔可以俾鼠鼠玩毛毛公仔,鼠鼠咩都咬,一定會咬爛,爛左既話,毛毛公仔既棉易令鼠鼠過敏,嚴重過敏係會致命;公仔既線纏住指甲就好麻煩,好難整得甩;公仔又易污糟同大塵
俾鼠鼠玩既玩具要留意既事可參考:
http://hk.knowledge.yahoo.com/question?qid=7009071800348

2009-12-31 17:32:03 補充：
好抱歉,唔方便公開EMAIL,有咩問題煩請補充及延長發問,謝謝

這裏可以幫到你
http://actionte.w13.08host.cn/yahoo.com.hk/hk/auction/178987536

Grey hamster are easy to pet. In Mong Kok Tung Choi Street have many kinds can some are even cheaper than 红羅白