個男仔算點?

佢係我個ex,上年因為發生好多突發既事,
加上佢要考alevel,我地最後響無第三者既情況下和平分手
考完試後大家都有聯絡,會約出黎
佢會搭住我膊頭一路行,又會摸頭摸面咁
之後佢生日都係響我屋企過
大家好似好close咁,坐得好埋,佢又會響我膊頭訓教
仲會餵我食野

不過唔見面時因為大家忙,就只會間唔中聯絡sms/msn下
有次我話唔舒服,但好怕睇醫生,
佢用d好重既語氣鬧左我好耐...

當我有d咩唔開心,佢都會支持我

有時佢會打d好曖昧既xanga,
雖然我唔肯定係咪同我講,但我都會打d野回應
之後又到佢打
我唔打佢又唔打咁.
lee個情況持續左大半年

到依家,我以為佢入左u會唔理我
但情況都無變,一見面就好close
佢間中會搭住我膊頭
買衫果陣我又會幫佢著衫咁

其實我仲中意佢
但真係唔知佢想點
大家覺得點?

P.S.我係佢既初戀
佢係果d幾保守既男仔
睇落去好social,但好少知心朋友,亦好少同人咁close