香港會議展覽中心巴士路線 急!!!!

方法一
搭港鐵由大圍站去灣仔站 (要喺九龍塘、旺角及金鐘站轉車) 成人八達通收$12.4 特惠八達通$6.2。
到灣仔站後用A5出口, 搭扶手電梯直上行人天橋, 之後一路直行入去入境事務大樓, 跟住靠右行入中環廣場之後再經行人天橋直到會展。
方法二
搭 九巴/城巴 182號 (由愉翠苑去中環港澳碼頭) 車費成人$16.0 小童及長者$8.0
大圍上車地點: 1)車公廟路秦石邨石玉樓外, 2)車公廟路近車公廟, 3)紅梅谷路新翠邨新月樓外, 4)紅梅谷路世界花園對面
落車地點:
1)告士打道123號(外道)灣仔警署外(即過咗紅隧到港島後第2個站)
落車後向車頭方向行上行人天橋過對面馬路華潤大廈, 沿華潤大廈平台再直行到鷹君中心, 之後轉左經行人天橋直到會展。
2)告士打道72號(內道)六國中心/酒店外(即過咗紅隧到港島後第3個站)
落車後向車頭方向行上行人天橋過對面馬路, 落天橋到地下後轉左於瑞安中心及灣仔政府大樓之間穿過去, 再過多一條馬路轉右行就係會展地下入口。

車費平當然係搭港鐵, 巴士好處係唔駛轉車一程過。

想慳錢買野ge話 可以答火車去到尖東之後行去碼頭度答去彎仔ge船到左之後向右手面行咪搞掂..

大圍都是乘鐡路在九龍塘轉地鐡啦 ! 只有這方法的

閣下指的沙田確實範圍在那裡?沙田火車站?