我啊媽好變態

唉,我啊媽好變態
自從我升上了中六後 , 佢每天從不間斷地嘈我要我溫書
我而經每天溫左7~8個小時了 , 想打下機 , 佢又嘈, 話咩打機冇用冇出色浪費時間 ,倒不如將打機既時間用黎溫書喎。 又話我一日先溫得果8個鍾 , 咁少 ,人地日日由朝溫到睌冇停過 , 冇打機 ,話我懶 ,話我冇用。
我冇講大話 , 佢真係咁。佢份人好硬頸 , 自己冇親身經歷過既野係一定唔會明同唔會信。
仲有 , 佢理解能力極低 , 教佢用個電話教左勁耐都唔識用一d好基本既野。
連我細佬都教到煩哂 , 教到爆粗咁濟啊媽仲未識用- -。由此可見 , 我啊媽係一個極之單純同冇腦既人 , 以為不斷溫書就會有好成績。雖然有好多人都叫佢俾我休息下,唔好迫我咁緊 , 但佢唔明 , 繼續嘈。
仲有 , 佢對打機好反感 , 一見到我打機就唔理我溫左幾多書 , 都會走黎鬧我 , 「你d書全部溫哂喇咩?未溫哂仲打機?」試問 , 書邊有可能溫哂架?書海無邊,只有溫得好同唔好,邊會有全部溫哂架(但啊媽唔明)?但係我就係鍾意打機 , 偏偏佢就唔鍾意d人打機 (因為佢成日睇新聞見到d人打機猝死,所以從此打機在佢心目中就一定係唔好既野 , 永不返身)
除此之外,我啊媽係一個貪得無厭既典型例子
首先 , 在我小學時 , 成績中上 , 入間英文中學機會很微。啊媽果陣時既理想就係我可以入間英中讀英文。點不知 , 我真係入左= =(靠體育入)。
入左之後 , 我成績超差 , 全級200人考178。果陣時佢日日嘈我話我成績唔好 , 理想係要我成績好d,唔好咁差。之後,隨著我慢慢適應 , 成績一日好過一日 , 到中期試考91然後大考考全級32。果時佢見到我有比之前好到 , 所以佢冇嘈。之後 , 中二 , 成績慢慢跌 (因為在那時我沉迷打機) , 佢又日日嘈著哂 , 又唔諗下我進步左咁多 , 我而家既成績已經好過好多人啦 。 我成績好係意外之事 , 唔好係正常之事(因為我之前成績不嬲都唔係好好),唉....貪得無厭.
未完 , 仲有大把
之後 , 繼續跌 , 跌到中二學期尾全級考50(其實唔係跌好多 , 唔知佢發咩神經) , 入唔到精英班(要全級頭42人先入到) , 佢又嘈。
中三 , 跌勢仲未停 , 到學期尾考全級60幾 , 入唔到最心水果科 , 佢又嘈- -
果時我學識左同啊媽相處既技巧 , 就係唔好俾佢知道我而家既狀況 , 不斷講d最壤既情況俾佢聽 , 等佢覺得我而家唔店 , 之後出左成績表佢就會喜出望外 , 就會「暫時」滿足到佢貪得無厭既心 , 就唔會嘈我。
所以 , 臨會考前 , 我不斷發放d好壞既消息俾佢聽。例如「唉,今次會考死梗喇 , 咁q多野未溫 , 又咁鬼難 , 都唔知有冇10分 , 今鋪實升唔到中六喇」
到最後 , 會考成績公布左 , 1A4B,23分。果時佢真係好似發左達咁喇 , 好滿足喇 , 點不知 , 貪得無厭心又黎喇 , 佢唔滿足我英文考level3(即係D) , 暑假不斷嘈我溫英文 , 搞到我成個暑假都唔係好開心。
會考23分 , 到中六 , d野一下子難左超多 , 我低估左a level既程度 , 在精英群集+d野好難+d野好多 既情況低下,我既成績好唔理想。果時慘了,23分的天堂落到而家呢個地步 , 我真係聽多年都冇左我10年陽壽。我真係俾佢嘈到我已經到左忍無可忍既地步喇 , 我爆左出黎 , 不斷大聲咁鬧佢 , 鬧到自己都喊埋咁濟 , 佢先識收手。
過左一排 , 佢又黎了 , 而家既行為就係第一段所講既野。唉 , 貪得無厭就即係貪得無厭,冇得改 , 天生 , 以為我一定可以變超人, 其實一切既野都係額外得返黎既 。 我根本不需要咁好成績 , 好似我細佬咁 , 入左band3中學全級差唔多第尾 , 啊媽都唔嘈佢係要嘈我 。以為我係邊個?我可以柯金蛋出黎牙?
我有d咁既啊媽真係我既不幸 , 而我相信冇人會能夠身同感受我有幾唔開 心 , 我亦都冇乜可能可以改變到現實 , 所以唯有在此發洩下心中既不憤 。

如果有咩想講就講吧 , 反正你地講既野黎黎去去都係得果幾樣野 , 冇咩特別。