✔ 最佳答案
你係確定到鼠鼠便秘嗎?肚瀉便便亦會濕濕地,整親or重病冇力亦會行路拐下拐下,體內腫瘤亦會肚脹.同一籠有冇第隻鼠?
A.分辨便泌or肚瀉:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
2)清晒個籠之後,再仔細留意佢既排泄物係咪真係少左or多左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘排泄會好困難
4)便秘有時會見到佢肛門附近會濕濕地咁既,甚至見到有便便塞住,肚瀉呢個位都會濕,不過就唔會有便塞住
B.發問中冇提及排泄狀況,唔了解真係便秘定係其他原因,就先當便秘去回答,如果有其他資料,煩請補充,如非便泌or肚瀉,其他之前提及既可能,又或合埋眼既情況係睇到鼠鼠好辛苦(完全冇便便兩日既話就已經需要睇醫生),亦需盡快睇醫生處理,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
任何情況下都唔建議俾鼠鼠飲牛奶,因為牛奶係易令鼠鼠過敏,嚴重過敏係會致命
C.鼠鼠一歲之後,身體就會開始衰老,老左既鼠好易因肛門一帶既肌肉鬆左,所以排泄會較困難,咁就好易令鼠鼠行得唔穩,甚至行唔到
年老便秘需要留意既事:
1)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)如果進食困難,可試下將糧整碎,太碎就加少少水
4)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
5)PAT PAT污糟既話,可用藥用棉花濕少少微暖水同鼠鼠抹下
6)保持周圍既環境衛生
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
8)除檢查及治療之外唔好攪鼠鼠,鼠鼠生病,會對外界更加驚,而且需要多D休息
9)唔好俾風直接吹到鼠鼠,要鼠鼠保持溫暖,凍天要留意既事:
http://hk.knowledge.yahoo.com/question?qid=7009111301092
10)情況都冇改善(2日度啦),就必須睇獸醫處理
11)另外,鼠鼠過左一歲就開始老,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097
2009-12-25 13:04:19 補充：
只係話濕同有時較硬好難分到,試下好似我講既咁去分吧
絕對唔會覺得你煩,有問題去問比亂試好得多,只要我知道既事一定會盡力去答,幫到你既鼠我都會好開心^^
2009-12-25 13:21:23 補充：
唔好客氣,鼠鼠病係會較惡,身體弱左更要保護自己
身體好凍既話最好可以去睇醫生,情況較危險,同時留意多d保暖
之前漏左講,有第籠鼠記得分開洗佢地既野,最好用牙膏大洗其他鼠物品,掂完一隻鼠後亦要洗手後先掂第隻(鼠鼠冇病時亦需咁做)
而鼠籠之間放遠d,減少鼠鼠既壓力
2009-12-25 14:03:34 補充：
真係唔洗咁客氣!
好抱歉知道鼠鼠已經咁嚴重,好明白睇住鼠鼠唔舒服但又冇咩做到既心情,希望鼠鼠唔好太辛苦
俾人既鼠同你養緊既鼠係咪同一胎?佢地既身體毛色會唔會比一般既特別?例如紅眼,灰色熊仔鼠之類
呢F情況就可能係DNA異常既情況,有D DNA異常既鼠唔係一出世就有問題,所以就會有D出現養左半年OR之後開始同一胎相繼死亡
如非同一胎及以上講既野,就要留意返你同朋友養鼠既方法or用既物品有咩共通點,死既原因情況會唔會似
例如有味木糠同沖涼粉係唔可以用,放既位置都一樣太近電器,飲食有問題之類
2009-12-25 15:26:31 補充：
小灰霸顏色既熊仔鼠係明顯既DNA異常,易會出現脊椎有問題or其他DNA疾病,同胎or後代之類既近親都要特別小心照顧,最好就唔好繁殖,避免有更多身體異常既鼠(當然正常既鼠都唔鼓勵繁殖)
只係死時眼凸可能只係太辛苦而肚脹既可能可參考:
http://hk.knowledge.yahoo.com/question?qid=7009112301250
小朋友真係唔太適合接觸寵物,難掌握得好,我既鼠係咩人都唔俾掂先安心
2009-12-25 15:26:37 補充：
擔心鼠鼠有事,3令鼠鼠健康d,可參考:
http://hk.knowledge.yahoo.com/question?qid=7009032201324
令鼠鼠開心,都會有幫助,詳細可參考;
http://hk.knowledge.yahoo.com/question/?qid=7008020802045
我要外出了,要今晚or明天先再回應,有咩可再補充,返唻我會再睇呢條問題
希望你唔好咁唔開心啦,聖誕節快樂!
2009-12-26 06:06:15 補充：
真係唔洗客氣,唔怕我長氣我就好樂意詳細回答
鼠鼠既毛色係受父母既顯性及隱性基因既影響(即係兩隻黑色既鼠,隱性基因有白色,都會行出白色既鼠),所以同一胎有唔同色都唔出奇
DNA異常既鼠唔一定就咁就睇得出,但紅眼及小灰霸顏色既熊仔鼠就係明顯異常既鼠
紅眼鼠既眼睛係特別怕光同易患眼疾,所以千萬唔好用光照鼠鼠既眼,如果佢DNA有其他問題,咁就有可能有短命or其他疾病既機會,有冇問題同有咩問題就要睇返佢既DNA先知
2009-12-26 06:06:28 補充：
你既鼠係小灰霸顏色(深灰色)既熊仔鼠既妹妹生,都可能有關係,始終唔知邊一代開始DNA異常,而深灰色既鼠易有脊椎問題,骨骼肌肉都較易有事,唔排除會影響鼠鼠排泄物既問題,加上DNA異常既鼠好易會病or短命
1.如果近親而令大家既DNA異常,咁就會有關,但始終唔可以好肯定
如果眼凸既鼠係一隻紅眼既鼠,咁凸眼就有可能因眼睛異常而做成
2.鼠鼠雖然好辛苦,但都會想求生,好努力咁爬都好正常
3.係成日轉圈定係有特定情況?鼠鼠尿尿前會轉圈,不安orDNA異常既鼠都易會咁,留意返有冇d咩令鼠鼠受驚,籠太接近都可能會令鼠鼠感到壓力
所有有關聯既鼠都唔好再繁殖落去,繁殖落去會一代比一代差
2009-12-26 06:06:39 補充：
平日極少睇評價,唔知做咩忽然去睇..唔講都唔知發表意見都有限額...
睇下鼠鼠係咪死左,要留意鼠鼠有冇心跳同呼吸,唔掂佢,就眼定定咁望住佢一分鐘or更耐,睇下有冇高低起伏,有就係未死,都可以再抱住鼠鼠感覺一下佢有冇郁,但咁好唔準,最好用眼去睇會好d
鼠鼠既心跳呼吸有時係好微弱,所以要定d去睇耐d
鼠死處理要留意既事可參考:
http://hk.knowledge.yahoo.com/question?qid=7009090600442
2009-12-26 14:11:08 補充：
仲要留意既事:
1)澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理
2)如果同時有第隻鼠鼠同死去既鼠有接觸,就要小心檢查健在既鼠會唔會有咩病,睇下死去既鼠會唔會有菌or有病傳染俾鼠鼠,都要睇下餘下既鼠鼠有冇外傷,排泄物同身體有冇異常
由朝轉到晚咁轉圈就真係唔正常,DNA問題冇咩解決方法,只能盡量唔好俾鼠鼠受驚,多留意個籠有冇危險既地方,有D狂轉圈既鼠會轉到周圍撞..
2009-12-26 14:12:45 補充：
我唔會拜鼠,亦冇宗教信仰,所以就冇諗鼠鼠之後會去邊,鼠鼠死左我會間中諗下佢既事,會喊會唔開心發惡夢,有一隻特別記得既係死左之後我未即時買鼠,鼠籠砌好好似平日咁,我就會成日呆望住個籠,有時冇望緊,忽然覺得有野在籠行,以為有老鼠(之前屋企真係有街邊老鼠),望下又冇,有幾次就望到死去既鼠行緊,但幾日後就完全冇見過了
我會覺得自己太掛住鼠鼠而眼花,但亦好希望相信鼠鼠返唻探我
希望你唔好太難過,唔介意既話,唔開心都可以同我講下,抒發下會舒服D
2009-12-26 19:40:01 補充：
心情好番好多就好啦,都明白睇住鼠鼠生老病死係好痛苦既事,只好盡力令過程中鼠鼠活得健康快樂
我細個養鼠時唔識養,其實害死過好多隻鼠,吸收經驗及了解多D先叫做正常養鼠
我真係唔會覺你or任何人煩,我好長氣,亦好有耐性,唔洗擔心,在知識＋都係想幫多d人同鼠
想同鼠鼠更fd一定要有耐性,鼠鼠好細膽,一急就易嚇親,亦要留意有咁多籠鼠都較易令鼠鼠感到壓力而難同你好熟
同鼠鼠建立關係既方法可參考:
http://hk.knowledge.yahoo.com/question?qid=7009082602466
2009-12-26 19:40:22 補充：
同時留意埋第12個意見中提及既網,慢慢唻鼠鼠會知道你係對佢好,亦要記得洗手之後先掂第隻鼠,避免掂or近鼠時,鼠鼠聞到味就同你冇咁熟
鼠鼠會用氣味唻霸地盆,咁多籠一定會發出更多氣味,而且熊仔鼠一向比其他品種臭,特別係男鼠,真係要好勤力及放遠d籠先得
鼠鼠臭可留意既事:
http://hk.knowledge.yahoo.com/question?qid=7009111501825
2009-12-26 19:40:28 補充：
我而家養緊一隻男熊仔鼠,以前會養好多隻好多籠,但一直感到有偏心既問題,就算買埋一樣既野,都好似會比較好既比某一隻,因為咁覺得唔開心,對唔住冇咁錫既鼠,所以近年就開始只養一隻,連龜死左之後都冇再養,而家對住我既鼠既時間又會多d,又唔會偏心,感覺好好多
2009-12-27 13:24:21 補充：
盡量唔好太偏心吧,不過我都知好難既,我都試過好多次,唔得先只養一隻
鼠鼠過左一歲身體機能就開始老化,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097
