買樓問題請指教

1.咩係時機,就連老手都講唔埋,仲記得今年初時,施老大仲講緊地產界會進入冰河時期,而家就貴到人人話買唔起,事隔唔夠1年喳!所以你唔好諗時機呢樣野喇,計自己條數好過啦.

2.銀行估價同業主開價係2回事,通常銀行將估價估低d,係風險管理,因為真金白銀拎錢出黎果個其實係銀行,而唔係你,佢點會陪你傻(即係唔該你出多d首期,風險自負).每間銀行都有唔同估價,請自己貨比三家.

咪拎估價低而做講價理由,會笑死人.

3.買舊樓,特別係單棟樓,你真係要好小心,維修事小,大廈財政問題先事大.早幾年既添喜大廈(單野係點自己搵資料),新業主買左樓就即刻中招.

一般黎講,買大型屋苑,多戶數攤分公共開支係好d,而且樓價透明度亦較高,長期低成交既樓宇,真係好難估價,例如業主開你170,咁同一棟樓對上果次既成交呎價係幾多,同埋係幾耐之前呢?

至於驗樓,你一係搵個識既去睇,否則係多餘,我就成日見d人驗樓睇下個水龍頭,馬桶等之類有冇問題,又係笑死人,因為過百萬既樓,竟然會著眼關注一個幾舊水既龍頭???

最後講講先租後買,其實我都贊成,一來睇睇樓價去向,二來萬一離婚,都唔使咁煩.

2009-12-25 00:38:39 補充：
唔識野比人笑完學到野,都好過以為自己好醒.

1.現在不是買樓時間,因為係想等佢跌,跌幾多成先買得?未買望跌,買左望升,天真得黎不切實際,笑死人.咁好勒,出年如果唔加息,你係咪賠條命出黎?

2.銀行估價如果冇錯,就唔叫估,唔會錯又點會間間銀行唔同估價?

3.30年樓冇升值潛力?你睇下太古城,半山既老牌真豪宅再諗下自己講緊咩.樓宇升值潛力首重地點,而非新舊.

4.舊既樓,係要維修喎,未修固然要夾,修左既,你估上手又是省油的燈?係就冇化妝樓呢家野啦.

5.問管理公司有冇投訴,我代佢答埋你冇,落雨即去驗樓?買左你咪日日去law.

6.得你一個識咁做咩,業主夠識賣高一萬比多一千啦,聰明仔!

1. 現在至下半年不是買樓時間, 一定貴而且只會愈來愈貴, 銀行出年亦必定會加息

2. 邊區都好, 銀行估價一定無錯, 唔好買高過銀行估價既樓, 會變負資產

3. 如果你地係年輕夫婦, 30年樓齡一定太舊, 又無升值潛力, 除非你想一世住果道

4. 舊既樓, 一定要推行大維修, 翻身外牆換水喉等等, 費用高昂家家都可能要夾錢, 睇樓時留意下d通告, 有無即將要做既大型工程

5. 如果真係有機會交吉, 可以經律師樓出信時, 問埋管理公司有無投訴記錄, 而室內就可以check下d天花有無水印, 最重要係落大雨之後一定要去睇樓, 所有漏水位就現晒形

6. 如果真係睇中, 想講價, 你同agent講: agent如果每幫你減到HK$10,000, 你有私人CASH俾HK$1,000agent袋, 佢一定落力同佢還價

2009-12-24 12:08:21 補充：
人地唔識, 就乜都要笑人, 真係好低能