有冇人可以教我宜家應該點做？

我同左我男朋友一齊三年幾，呢三年幾係有開心，唔開心…
上個星期一因為D小事嘈，佢特登飛的士去我屋企搵我哄我，之後都冇事。
但我個人一直覺得佢有野呃我，所以我係佢訓著左個時開左佢電話睇，原來佢一直都有打電話比個大陸妹，當然…個刻我心情係好嬲，我叫醒左佢，趕左佢走，佢出返去搵佢朋友。
之後佢打電話比我，我問佢，點解會咁？佢同我講，個個大陸女唔係佢條女，係佢個朋友既曖昧！我問佢，咁你點解要打電話佢？佢話係傾下計。我問佢，傾咩計？之後佢話，等返到黎面對面再解釋好唔好？開頭我唔想，要佢即刻講。最後佢哄我就話好返黎先講。
我叫佢玩完返我屋企先，個時已經係早上六點。但因為我話十點半要去見工，要十一點先可以搵返佢，之後佢就話，咁十一點打電話叫我起身，我出黎搵你！同你講清楚。
惡夢就開始了…
我見完工，十一點打電話比佢，打左好多個電話比佢，佢都冇人聽。我以為佢訓死左，咁我SD左個SMS比佢，叫佢起身打電話比我。咁我就返左屋企訓教，到我起身之後，我已經打唔通佢電話。佢足足失蹤左一個星期，我搵佢唔到。呢一個星期我日日都搵佢，打晒所有電話都搵佢唔到。
到左今日我有個朋友搵到佢，我話，想見佢，想知道點解佢粒聲唔出咁走左！我叫我朋友比佢電話我，但我朋友話應承左佢唔可以比電話我。
宜家我可以點做？佢會返黎搵我嗎？
我宜家日日都喊，我真係想見佢！就算，佢話要分手，我都想佢清楚咁親口同我講呀！點解佢要逃避我？點解佢要咁樣做？
＊曾經有諗過自殺死左去，佢就會返黎見我！我真係想見佢。