✔ 最佳答案
A330只係出咗幾個月,未停產,Sony網頁仍有佢既介紹.
http://www.sonystyle.com.hk/ss/product/alpha/a330/index.jsp 其實用開甚麼DC同轉甚麼單反是沒有甚麼關係的.唔一定要買翻Sony. 冇錯A330支跟機鏡係18-55mm f3.5-5.6.焦距覆蓋了常用範圍,算係幾好用,影人像,風景都OK.其實隻隻牌子入門機套裝鏡頭都差不多係呢個規格.但係你要zoom到好遠,大光圈影淺景深人像咁佢就欠奉. Sony機最大好處就係有內置機身防手震,配啲冇防手震既副廠鏡頭都有防手震功能,如果你唔介意用副廠鏡頭,佢係可以慳好多錢的.Sigma同Tamron都有好多鏡頭有出Sony接環. 另外Sony既Live view對焦係快過其他牌子的,實用性較高. 缺點方面就係冇得拍片,如果你要拍片就要考慮其他牌子. 另外比起Canon或者Nikon唔算大牌子,所以好多時都唔敢介紹人用,因為初初用單鏡機如果技術唔夠,照片分分鐘仲差過用DC.好多人就係買咗Sony單鏡發覺啲相唔靚而走去換Canon或者Nikon.其實這是沒有用的.