點可以說服屋企人比我買倉鼠?

唔同意樓下網友gdkkwsbi既講法,希望網友唔好介意及可留意一下:

波波球之類(有d係成架車,車上有個球,類似既玩具),又或係球體放入籠內既轉輪,呢d都算係危險既玩具,係屬於危險玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既
壓力就咁睇可能會好抽象,未必咁易睇得出,但對鼠鼠唻講,壓力係有機會誘發甩毛肚瀉,甚至濕尾症等疾病(因生理代謝同心跳快),所以一定要盡力令鼠鼠少d壓力
當然更唔可以困住鼠鼠當波踢,我諗咁講係講笑,但養鼠既人多數都較年輕,實在擔心有人以為咁好好玩



A.鼠鼠平日係困籠,同鼠鼠未熟時唔可以放佢出籠,俾耐性慢慢同鼠鼠建立關係後,有信心先放鼠出籠,咁就唔易走鼠
平日可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁
同鼠鼠建立關係既方法可參考:
http://hk.knowledge.yahoo.com/question?qid=7009082602466
放鼠出籠要留意既事可參考:
http://hk.knowledge.yahoo.com/question?qid=7009111801635
第3/項



B.正常短毛鼠好少會出現會便便痴上身既情況,鼠鼠既便便正在都較硬既;勤力清理既話,鼠鼠係可以冇咁臭,但就一定唔會話完全冇味
家人怕難打理.可以同佢講,會照顧好鼠鼠,會打理鼠鼠,唔會好臭都唔洗籠,唔會三分鐘熱度,照顧寵物可以培養責任心;當然,同家人咁講既同時,都真係要做得到,我家人怕鼠,都覺得臭,初初都係唔俾我養,最後就係傾好晒,先俾我養,不經不覺都養左十幾年了


鼠鼠既臭味,可以試下以下既方法去改善:
1)一籠一鼠,鼠鼠係獨居動物,會用體味及排泄物去霸地盆,有第隻鼠既話除左易打交or生病外,亦會令周圍臭d以表示整個地方都係屬於自己
2)女鼠會冇咁臭,但一般唻講女鼠較易會有生殖器問題,而年紀愈大就愈惡
3)每日都同鼠鼠打掃一下佢訓同埋排泄既地方
4)洗多d籠,可用牙膏or小動物專用消毒劑去清理,當然係一定要清得好好,唔會留返d在籠
5)用沖涼粉定期同鼠鼠沖涼,一星期一次,太熱時最多兩次

6)唔好用有味既木糠or沖涼粉,因為加埋d排泄物味會仲臭,又易令鼠鼠敏感

7)放D人用唻除味既野在籠邊,要距離鼠鼠一段位置,令鼠鼠唔會掂到,咁放既話,必須確保個籠係唔會俾鼠鼠有走到既機會,鼠鼠係逃走專家,走佬好叻,俾鼠鼠走到出唻,食左就大件事了
8)俾鼠鼠用鼠廁所,減少排泄物周圍都係,但如果非熊仔鼠就要花較多心機先學到,教鼠鼠用廁所留意事項如下:
a)將鼠廁所既廁所沙加多,等鼠鼠排泄前有足夠既沙俾佢抓下先再去,大約厚0.5cm厚左右啦
b)唔係換木糠先將鼠鼠既排泄物先放落鼠廁所,平日得閒就執d落去,最好日日打掃下佢房,就將房既排泄物部份放入鼠廁所中
房既味同埋排泄物都比較多,用呢d會好d
c)未學識時勤力d去清理廁所外既排泄物,一來衛生d,冇咁易令鼠鼠有皮膚病,二來令鼠鼠慢慢習慣鼠廁所先有排泄物

d)俾d耐性去教鼠鼠,佢本身唔慣既時候,係需要好長時間先會學識,但有時隻隻鼠性格唔同,佢本性係唔鍾意用廁所係好難學得識,正如人本身係好亂,要糾正成整齊都唔容易呢!



C.倉鼠唔同老鼠,倉鼠有腮,尾短,正常時唔會聽到倉鼠叫(倉鼠同人既音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦)
不過可愛定核凸係見仁見智,但可試下同家人講養倉鼠會自己一手照顧,自己唔會養養下覺得唔可愛,而且養一隻鼠既話,用既錢其實唔係好多,第一次買用品係會用得較多錢,可儲定一筆錢,用自己錢買家長較易接受
同時表明就算鼠鼠生病都唔會唔理鼠鼠,鼠鼠睇一次醫生唔平,所以會為鼠鼠既生活同醫療做好準備,為鼠鼠儲錢,咁就可以培養儲蓄呢個習慣
當然真係要咁諗同會咁做


D.得到家人同意之後亦要了解多D鼠鼠先好買鼠,揀鼠要留意,養前要考慮既事及飼養方法:

http://hk.knowledge.yahoo.com/question?qid=7009062502420
鼠用品資料及價錢:
http://hk.knowledge.yahoo.com/question?qid=7009091200813

2009-12-22 15:41:24 補充：
仲要留意,最好等冇咁凍先買鼠,凍既時候買鼠,易有以下既問題:
1)鼠店較凍既話,鼠鼠好易已經冷親,冷親又未有病徵時,就易買到病鼠
2)鼠店較熱既話,出到街再拎返屋企時,就會有強烈既溫差對比,鼠店->街->屋企,3個較大變化既階段
3)返到屋企之後,新鼠未咁快習慣環境,未必會用屋仔之類唻訓覺,有鼠棉都未必會用
4)天氣凍易冷親,如果係新手既話,未必處理or發現得到

有方法=3=
好易姐
怕佢周圍走 你咪話我買個膠波 想放隻倉鼠出黎行個陣 將隻倉鼠擺入個波俾佢係個波入面跑咪唔怕走失lo = =咁大個波 一定睇到喇掛 而且包你踩佢唔死 = =個膠波好硬 你當佢波咁踢都重得

d糞便臭 有木槺同除臭粉(類似爽身粉) 幫佢洗身加除臭 就唔怕清理唔到同搞到好髒

-.-倉鼠似老鼠 你咪同佢講 呀媽 老鼠條尾長佢n倍=.=邊似呢
再唔係你呀媽話佢似坑渠老鼠 你咪買隻白色加啡色 or全米色咪唔似=3=
佢話白色似白老鼠 你咪買左金色 同佢講財源滾滾來 就黎新年呀嘛
實俾你買喇 好意頭=.=v ya