邊到買木同自製家具

沙田可到火炭果度有幾間大木行，九龍要去到廣東道尾(近太子)果邊。你可以計好材料及呎吋(1件板通常4 x8呎，亦有其他呎吋，呢款最常用)，叫佢幫你啱呎寸就收工錢（不過通常只係每件板一兩刀，方便運輸及搬運)如果要開料甘開，未必間間肯造，你可先問。有限錢啫。
木板厚度可分多種，造傢俬多數用6分(18mm)，板分『大芯』同『細芯』，你可用『大芯』板，產地有印尼，馬來西亞及中國。多數會用印尼板，不過國產D環保板都可以用。通常俾好呎吋同俾完錢，即時幫你搞，少量同街客要自己車走（佢可以幫你叫街車)。自製傢具視乎你製乜﹖一般整兩三層嘅書架仔或細箱仔，外行我諗仲勉强可以，復雜D嘅提議你唔好搞。
1)除咗材料外，仲有工具再要加埋D手藝，唔係話用文字寫就掂。
2)你依家用嘅板叫『夾板』，果面光禿禿，再要造表面處理至靚。好似貼防火膠板、貼木飾面板，(又要識封边，要用『囉机』你掂唔掂)、造油漆面要識批灰省靚，手掃又唔及噴漆甘好，你要買氣泵同噴槍。手掃你控制支排筆得唔得。
3)你睇到D鬼佬係外國DIY傢俱，佢地多數用實木板，一般係松木同楓木，果D完成后，只需油番度面漆就靚，因D板本身已有木紋。你想用實木可能代價貴過你訂個柜。
唔係要掃你興，我本身都鍾意同欣賞人自製傢俱，不過睇你出問題，估你係初哥，最好唔好玩甘大，先製吓D層板同箱仔試吓。小心用D機械工具，係有一定程度嘅危險，建造業訓練局有課程讀，製傢具好難無師自通。