怎樣選倉鼠呢??了解倉鼠類別個性的進.

"賓尼"我諗你係指小露寶吧
A.小紫王,小銀孤,小灰霸,小布丁四選一既話,建議可考慮養一隻小紫王
你講既鼠,個性既分別:
小紫王:紫紫地灰灰地,比小灰霸淡色一d,細品種中我覺得係最乖既
小銀弧:主要白色,背有d黑色,性格一般同小紫不差不多,但惡過小紫王一點
小灰霸:灰灰黑黑,背上有一條黑色線,性格較惡,因而叫小灰"霸"
小布丁:背部金黃色,好似熊仔鼠,但就較細隻,性格一般,不算乖卻又不太惡
小露寶:最快,最細,而又幾細膽既品種,個性溫馴
熊仔鼠:體型係常見寵物鼠中最大,性格好溫純同細膽,所以較少咬人



B.正常既小布丁並唔會特別易死,見到一堆布丁唔係點郁,可能係天氣較凍,時間問題,打交,受驚等因素都會有影響
天生特別易死既會係一D
DNA異常既鼠,例如毛色特別唔同,紅眼,會打筋斗,狂自轉之類,有D鼠店會話呢D係罕有同特別(真係會較少見,因為易更細時死亡),等人去買,所以買既時候要小心留意,鼠店係做生意既地方,千萬唔好盡信店員講既野


C.天氣較凍時實在唔適合買鼠,睇天文台七天天氣預測都係唔適合;凍既時候鼠鼠會訓得特別多,好難會睇到鼠鼠既真面目,又易買到病鼠or買完好易病,如你講既咁,鼠鼠仲好細隻(一般到鼠店既鼠大約係21日剛戒奶,60日大會有明顯既長大),咁凍真係好難捱得住,較易好快死
養寵物需要好多耐性,何不耐心等到較好既時候再買,對人對鼠都係好事


揀鼠鼠仲要留意以下幾點:
1)最好夜少少先去買,因為鼠鼠係夜晚活動日頭訓覺,所以太早去買鼠鼠會比較呆,咁就難分佢係咪有病
2)唔多點郁既鼠鼠可能有病,好多病都會令鼠鼠好疲倦,所以唔好揀訓緊既鼠
3)留意鼠鼠身形會唔會特別肥or特別瘦,兩樣都唔好既,可能太早戒奶,唔健康or過肥,甚至體內有瘤腫,特別肥更有可能係咁多隻當中既惡霸
4)留意鼠鼠既毛有冇甩左一部份,會唔會有腫瘤,摸落去會唔會好"鞋"咁
5)眼睛唔好有眼水,要乾淨,可以完全張開
6)鼻要乾淨清潔
7)呼吸正常,唔會喘晒氣咁
8)腮部冇問題,可以正常地放野食入腮同整到出唻
9)排泄位置乾淨清楚,唔會瀉瀉地
10)冇外傷,冇流血


D.我諗係較多人喜歡養男鼠而做成男鼠較少,我亦偏愛養男鼠;男女鼠主要分別:
1)年輕既時候,的確係女鼠乖過男鼠,但好快到佢地較成熟,男鼠就好鬼馴,男鼠仲係愈大愈馴,計返時間唻講,當一生3年唻計,男鼠乖既時間較多
但一籠一鼠既情況下,其他問題不大,大多鼠鼠一隻住都較乖
2)女鼠年紀開始大時,會有類似月經既血排出,正常既話,就會好少,同得幾次,但萬一有問題,就會係陰道出血,做成呢個子宮腫瘤,冇生育過既鼠較少呢個問題
而男鼠既生殖器冇咩特別既毛病
3)鼠鼠發出氣味既腺位,男女鼠都有既,但男鼠較易有腺塞既問題,呢樣要睇醫生先處理到
4)男鼠比女鼠臭,仲愈大愈臭
5)買女鼠有機會買到隻已懷孕,我試過一次,之後真係怕怕



E.養緊隻男想買多隻亦必須分籠,倉鼠係獨居動物,天生根本唔適合同其他鼠一齊住,一齊住就易打交or因壓力而生病,就算同性別同一胎亦一樣
詳細建議一籠一鼠原因可參考:
http://hk.knowledge.yahoo.com/question?qid=7009120801316
而且如果花在寵物既金錢比較少既話,就要明白鼠鼠都會有生病既時候,最好先為鼠鼠儲蓄;堅持一籠兩鼠就更易病or傷,分籠養處理唔好既話,一隻病亦易傳染第隻