✔ 最佳答案
無錯佢破緊產期間, 所有收入同支出都受到監管,
就算佢肯私人還返錢俾你, 之後如果俾OR(破產管理署)查到,
都會要你攞返出黎,
要佢俾錢你, 除非你係佢o既債權人,
但係如果佢有將你寫入佢o既債權人條List,
你係會收到通知o既, 而且就算你真係入左條List,
因為還款係以各個債權人o既債項總金額按比例黎還返俾你,
佢搞得破產, 無欠人幾十萬都有十幾萬, 你先至得兩千,
隨時還起上黎一個月得分得幾蚊, 幾十蚊,
即係如果佢總共欠人一百萬, 而你借左一萬俾佢,
佢每個月還幾多錢, 就分返百份之一俾你,
搵收數就唔好啦, 有咩事佢報警你又麻煩, 而且佢破緊產,
可以大條道理唔洗還, 你真係要追就要等佢破產完左先,
又或者去OR度講, 雖然話一個月得幾蚊, 幾十蚊,
但係如果佢無將破產期間問你借錢呢件事報返上去,
即係話無將一D額外收入報俾OR知,
OR會係咁煩佢, 如果覺得佢唔誠實o既話,
仲可以加長佢個破產期添,
但係老實講, 二千蚊, 當跌左買個教瞓啦,
你真係要追o既話好煩麻, 同公司請假去搞都可能唔止呢個數,
2009-12-26 14:01:01 補充：
老實講, 我真係唔建議你去追, 我俾個比費表你睇下就知嫁啦,
http://www.oro.gov.hk/cht/publicsv/fandc.htm
你又要去查佢個檔案, 又要親身上OR搞,
你淨係落Search同攞文件都唔止佢欠你個數啦,
仲有請假D錢都未計喎, 就算我當你唔係做緊野,
搭車都要錢啦, 而且呢D錢個債仔係唔洗俾o既,
即係你要自己包晒, 無謂越蝕越多啦,
2009-12-26 14:01:10 補充：
關於証據方面, 你係點俾佢呢? 銀行過數? 現金? 支票?
銀行過數就要同銀行攞返個紀錄, (都好貴下)
另外如果係如現金o既話有無借據?
無o既話有無其他人知? 知果個人又肯唔肯做證?
如果係支票o既話, 你支票簿尾有無Keep低, 有無寫係咩黎?
唔係証明你俾過錢佢就得, 仲要証明你俾佢果D錢係你借俾佢o既,
如果唔係佢掉返轉話之前借俾你, 你還返俾佢都得,
2009-12-26 14:07:49 補充：
你真係好想追, 不如試下同佢講返,
佢再唔還錢你就會去OR到搞佢, 等佢俾人Hold多四年,
不過純粹係嚇下佢, 睇佢還唔還, 但係俾我就唔會驚你啦,
明顯損人不利己, 對你都無好處,
講真果句, 兩千蚊睇一個人, 低到爛啦,
好過你果時同佢做擔保, 到時佢走佬你仲大獲,
2009-12-26 14:16:55 補充：
橫掂講開, 有少少私人意見想俾你參考下,
我從來唔會 "借" 錢俾人,
D Friend真係好唔掂, 我又真係好想幫佢o既話,
我就會直接 "俾" 佢, 借乜鬼吖,
我覺得只要有錢銀關係, 幾Friend都無朋友做嫁啦,
就算屋企人都係咁話, 你無睇到D爭產案咩,
你借得錢俾人, 都係預佢無得還好D,
起碼佢到時真係還錢, 你都開心D吖,
同埋 "俾" 錢佢, 我仲可以掙個型字,
第時有咩唔掂都容易D開口吖嘛,
不過梗係要量力而為啦, 幫人借就千祈唔好啦,
