請問愛自己同自私有咩分別??

愛自己或顧自己而無影響他人，呢個唔可以稱爲自私！
自私是只求自己利便或利益，而妄顧別人於不理，我行我素，但這與自愛無關，而且往往與自愛相反，比如高空襲物就系明顯既例子，呢種人既自私，亦不自愛！
自愛既人，比如關心自己既身體，關心自己既前途，從而真正去實踐，呢D都系自愛既表現，只要唔系爲求達到呢D目的而妄顧他人，呢種自愛亦與自私無關！
唔識自愛既人並不代表絕對唔識愛別人，這只是個比較級既問題，只是說明，如果懂得自愛既人，又肯推己及人，像愛自己既愛對方，他既愛會來得更徹底和切實！
朋友能意識到自己既不足是好事，但若長期因此而恨自己就不是好事，我想，人最受紛擾既其中一件事就系明知錯亦要做，不斷重覆既錯就不斷重覆既遷怒自己，因爲唯有自己才是自己最緊密接觸既人，只要一息尚存外在既自己同內在既自己是分不開既，因此，唯一方法系。。。。行動！
要改變自己無需故意去找個起點，或說，生活中處處是起點，在車上見到老人去主動讓坐，對朋友既困難當成自己既事，義無反顧既去做個熱心人，一切並不出於刻意，而是一份愛心，猶如你愛自己既一份愛，起初可能有點不習慣，唔緊要，繼續做，久而久之就會成爲另一習慣，成爲一個好既習慣！GOOD LUCK BOY！

我都係一個幾冷漠既人。
我都會好似你咁，去D比較WARM既地方總係比較抽離，融入唔到。不過性格唔可以強求，唔係唔鍾意就可以改變。凡事有好與壞，冷模既性格咪唔會咁容易受傷害囉。
呢個世界上，總會有人愛你。Such as 你既父母，老師。其實我覺得你應該嘗試多D關心你身邊既人，一句問候或是出一點力既幫助，人地都會感受到。其實關心人都應該，雖然我都唔會點關心其他人，但係都覺得對人好係唔應該期望回報。
我今個學期同1 D新同學一班(都有D以前同班既)，有個男仔都好識關心人，我以前完全唔識佢。不過今年同班，有時我有D唔舒服/有D事，佢都會問候一句。有另一個以前同班3年既，知道我D性格係冷模嫁喇。佢不時都會同我打招呼，問候下我咁。佢地咁做純粹出自真心，有時我諗起對人咁冷模，人地都對我好，都有D慚愧。
你講起你有返教會，試下夜晚一個人禱告。講出你既煩惱，想講既野啦，講出黎會舒服好多。D野收埋收埋，對心理健康沒好處嫁。

我諗這是一個lost in translation的好例子，其實love yourself愛自己是對應(相反)love by someone要人愛。

這可能是80年代美國的一個社會問題，大家都找愛，但是太要求被愛，而結果是很多人，尤其女性，在找尋中失去自己(idendity)，亦令感情失控，有些甚至成為心理病。所以這個phrase可能源自Whitney Huston的一首歌Greatest love of all.

假如你明白上面說love yourself的對應love by someone的意思不要因為要人愛你決定自己的價值。愛自己並不等同自私。但你話只係顧自己先，有時明知應該做好事都唔肯則是另一個心理問題。你憎自己亦就係唔識love yourself.
試下比你自己個良心引導你一次，當他告訴你某件事你唔應該咁諗時(是事前)，便試下跟他的話改變你平會硬著心的做方法而改用他的方法去做一次。試多幾次可能你會能夠體會love yourself是怎樣地同時在love others.

我都係一個較冷漠既人, 有別於一般熱情, 開朗,主動既人, 但這並不代表不好, 性格未必每個人一樣, 某部份亦與成長時期有關, 像我一樣, 小時候家人都不是很多, 亦較少與親戚朋友聚會, 所以不懂與人相處, 長大後亦不善於交際, 但基本與人溝通沒有問題, 但close既朋友不是很多, 所以知心友只得幾個, 有時候亦很羨慕一些人相識滿天下, 有起事來很多朋友都會熱心幫助, 但我並不強求,畢竟性格不易改變, 人大了慢慢學懂與人分享更為重要, 當然某程度上為自己是無錯的, 記緊不要有害人之心, 羨慕別人比自己幸運幸福一定會有, 始終我們是凡人嘛, 我都慢慢學習用正面態度去睇每件事, 想比得上人家便要更加努力, 亦要學習擴濶心胸, 可能某程度上覺得對人好會蝕底, 但總有一天有回報. 我會覺得愛自己錫自己是應該的, 但不要傷害別人而得到利益, 嘗試拿出少許自己得到的與人分享從而取得平衡, 那麼你便不會覺得自己係衰人, 當我有時察覺自己過份了, 都會趕快修正過來, 你便會發現自己並不是太壞, 愛自己同時亦可愛別人, 雖然未必答到你的問題, 但這是我的感受!