✔ 最佳答案
首先換引擎係唔係同cc及同匹數先?有好多車同款都分普通版及豪華版，打個比喻1.8cc或2.0cc，所以要知係唔係同款同cc同匹數，仲有相信你抬既係二手翻新零件，係歐洲車定日本車?我曾抬過三次偈(分三部車)，試過本身棍波，因某原因換偈，但車房搵副自動波偈落去搞到部車起圍好慢同無力，仲有好多原因，若二手翻新偈上手唔知點揸，可能揸到打柴同唔知整過啲乜都有影響又或副車頭在外地攞放得唔好或幾年先運嚟都有好大影響。比喻每個人體質唔同，每副偈狀態都唔同，睇好唔好彩。若歐洲車可能更大鑊，因為歐洲車大多歐洲冬天會落雪同比較凍，用開較杰既偈油，到你手上因香港天氣唔同用無咁杰偈油都有影響。所有劏房入口紙不可盡信，仲有快啲報正俾運輸署知。
雖然東菇NA車都適合，但TUBO車會好D，換東菇有助中尾段快D，相反頭段會弱少少，用東菇要配合好多嘢換，因生風入量大咗但引擎燃燒比率及死氣排量都有唔同，正所謂牽一髮、動全身。東菇要配合點火，蕉及頭、中、尾喉......
我相信換個假催化落去會有幫助，但唔多。
波箱油車房話要約10000公里或一年度要換一次。注意特別係三菱同本田要注意一定要用原廠波箱油或分清楚+-波波箱油。
2009-12-22 15:19:30 補充：
你係上兩代三菱力勁，當年原压有170匹。我相信抬偈車房已經幫你裝好所有嘢，如senors，最好去番抬偈車房話你既問題比佢哋聽，講出你既問題叫佢幫你再搞搞，相信佢哋會有一、兩個月抬偈保養幫你的責任。其他方法係返三菱廠搞個行車電腦個setting，但呢個可能近乎零因太貴(因為此終返廠啲電腦數據最準)，或拾副二手racing電腦搵改車公司再set過，但都貴，平玩只有搵專改車啲車房在你部行車電腦另加一粒senors去控制改善起圍，比較化算。但紿終抬自動波偈落棍仔車到既反應一定會慢啲。
