七速 S-Tronic 雙離合器波箱的好處及壞處？

(首先聲明, 我已經喺另一條問關於Audi 雙離合器嘅問題作答. 而家只係 copy and paste 自己答案, 唔想其他人抄我答案而坐享其成. 發問者如喜歡本人答案, 大可將其中一條問題移除. 謝)

Audi 嘅用棍波波箱為基礎而唔需要駕駛者控制離合器腳踏, 亦都冇一般自動波用嘅扭力轉換器用嘅"半自動波", 有分雙離合器嘅 S-Tronic, 同單離合器嘅 R-Tronic. S-Tronic 係建於母公司 Volkswagen 嘅 DSG 系統.

DSG獨特之處, 其實係一個波箱入面藏有兩組唔同嘅波段 (1,3,5... 單數一組, 2,4,6... 雙數一組), 每一組波段經過呢組波段嘅離合器/極力子, 嚙合其他動力輸出組件將動力散推動汽車. 當加速時, 例如2波行駛中, 雙數組嘅離合器係扣住傳動軸, 同時其實單數組嘅離合器已經嚙合咗3波, 當駕駛者撥片上波時, 波箱就可以好快咁上到3波, 比單一離合器要先同2波脫離再同3波嚙合嘅時間短, 過程亦較順暢, 少D震動.

好處:



集合傳統棍波同自動波嘅優點


易操控, 唔識用極力子都可以有棍波樂趣波箱電腦可以用D波行駛, 同自動波無異動力傳動流失少, 所以比自動波慳油轉波快而順, 上落波時間少於 0.6 秒拖波時識自動補油, 令操控更穩定可專心於轉彎steering 同轉波, 唔駛擔心要控制極力子壞處:



比傳統波箱複雜


維修較困難技術仲係新, 出面車行未必識保養同修理開發同製造成本較貴, 即係車主要比多D錢比傳統波箱重, 少少影響行車表現難於改車. 加大咗馬力同扭力之後離合器亦應作適量強化, 但DSG成組嘢就較難去tune-up冇咗揸原始棍波要踩極力子, 完全操控同考驗技術嘅樂趣