點先係一個好既女朋友??

你真系一個好積極既女朋友，你男朋友正是身在福中。
其實，兩個人相處講求配合，如果對方覺得你已配合到，唔需要刻意改D咩野既話，甘你就自然D，做番你自己就OK了。
如果你唔確定對方既想法，是應酬你還是真心既覺得你好，甘你要做既唔系再次又再次既問，而系去觀察去感受，有些答案不一定在言語中，而是在反應中。
你完全就他，他又對你無要求，這是否已是好理想既愛情只有你同他才能感受到，我地實在難以在字面上去作判斷，不同人不同組合既情侶有不同既情況，難講對錯，或者亦無所謂對錯！
但無論點，你既文字確令我不難感到你對愛情既認真同積極，這是好事，但就算掃興點也要奉勸你一下，人要有風險意識，特別是愛情，要做好一個心理準備，假如他日不幸出現感情變化，你必須要豁然面對，要令得起放得低，特意提醒系因爲你系個好癡情既人！
GOOD LUCK GIRL！

人冇十全十美~
畀你改善到所有問題~或者某一日你會發覺
o個個已經唔係本來o既你啦!

好o既女朋友唔需要故意做任何事
對方都會喜歡你o既全部~~
o既然你係故意就佢
不如做返自己啦!

好女朋友是識溝通的女人，你明顯唔係好識溝通。
溝通唔係要就哂佢，亦唔係只有你的意見，而係懂得幾時做邊樣。
你要學的是識得聽人的口氣，而唔係只係要人地講比你聽要點。

另外做女朋友做到咁上下便要主動些才令男人喜歡，唔係單單小鳥依人才是好女朋友，廿幾歲之後男人在工作上會遇上轉換期，他以為要自己去面對，但可能他要一個女人的持續鼓勵，到三十歲之後要讓他覺得你需要他(結婚？)，四十之後大家都會有中年危機...等等。

祝你好運

佢話你無主見的話證明佢好愛你

佢唔想次次都係佢揀曬,想你比下意見

情侶就係咁樣- -

大家都想對方比意見,唔想自己比曬,你咁諗既時候你男友都係咁諗

有無野要改,自然就可以了,正如你男朋友問你佢有咩要改你都會話佢好好,唔洗改啦?

點先做一個好既女朋友？那就睇你男朋友係咩人呀？好既女朋友定義好廣，不用刻意做俾佢睇，只要真誠對方感受到嘅，适當時要有自己的主見，講俾對方聽或者對方認同你，咪覺得自己有負擔，下下就晒人只會寵壞佢，所以你也要慢慢摸索好嘅女朋友定義吧。

你可以講自己意見,唔迫佢聽+照做就得,其實你咁自覺係好,但成日都問你男朋友,俾着第2個,一早嫌你煩.佢有嘢唔滿意,實會直接同你講.
其實係你唔想自己已經夠好啫,但係佢揀得你,即係你同佢夾,唔使特別做咩.唔使諗到自己唔開心.

你直接問佢, 梗係話冇野改啦。

情人眼裡出西施, 妳男朋友真係愛妳, 咁妳係佢心中就係最好架啦。

佢係妳心中係咪都係最好?

唔需要故意去改變自己, 否則可能帶來反效果。

點樣為之好, 每個人都有唔同既想法。

我認為做番自己就係最好。

其實我唔係好明,

妳話妳所有野都就哂佢, 佢話妳冇主見,

但係妳又話次次都係妳俾意見,

咁到底係妳有太多意見, 定係其實係佢冇主見, 又唔明白妳其實係就哂佢呢?

不如詳細少少丫~