有關去郵局磅野既問題.

1)我可唔可以去郵局靜係磅左先,遲d再買郵票&再到郵局寄?
定係佢會叫我一定要磅埋再係個度寄?

你可以包好份郵件，再去郵局，同職員講：「唔該想磅下份件。」就可以。

職員就會將份件過磅，跟住話比你知要幾多郵費。

你可以選擇即時買埋郵票，或者攞番份件走。

2)如果我寄書之類既野會幾耐先寄到收件人個度咖?


理論上是1-2個工作天，郵件就會寄到收件人手上，你亦可以參考以下資料：


1.星期一至五上午寄，正常第二日會收到(公眾假期遲一日)


2.星期一至五下午寄，正常第三日會收到(公眾假期遲一日)


3.星期六寄，正常星期一會收到(公眾假期遲一日)

如果你有以下情況，郵件派遞時間會延遲：

1.郵費不足，郵件被郵局扣留

2.撞正長假期，郵局積存大量郵件（因為大部分郵局，係長假期唔會收信及派信）


3.郵寄違禁品，郵件被扣留，並交有關部門（如警局、海關）或退回寄件人。

4.郵寄資料錯誤（如地址錯誤），郵件退回寄件人

5.郵件已經寄失

6.惡劣天氣

3)如果可以的話.可唔可以搵人講出去郵局磅野既程序? (我未試過磅-.-)

請參考回答1