印姐話想辭職, 唔想佢走可以點處理

多點鼓勵佢,佢哋慢同蠢係民化問題,如果唔係唔會咁純品,至於唔識湊小孩就要和顏悅色咁慢慢教,有時做得好,買佢哋家鄉的食物氹吓佢.照計佢哋好怕湅,你睇吓佢係咪唔鐘意張被,舊還是花款有問題,同佢行開街,借意問下佢同佢換被袋,問佢鐘意邊款,佢會好開心,因為你關心佢;佢唔開窗,可能因為冇盖被,怕湅啦,可以解釋佢聽開窗可以空氣流通,而 cam 既問題,你可以解釋,成日返工,見唔到 bb 好掛心,想隨時睇到佢囉,或者話放工想睇番 bb 當日做過咩,以 bb 作出發點.
無法啦,你要安撫佢,多點關心佢,真假都好啦,你哋住埋一齊,又有 bb 要俾佢湊,要彼此遷就下,而且要點時間磨合,總之你對佢好,佢會知,佢會對番你好,真架
但係做咗好多嘢都冇效,仲係時刻用走嚟威脅你就由佢走,好聲好氣同佢講係咪真的唔做,是的話就俾時間你請人,和氣地解除合約,無謂要防佢做衰嘢

2009-12-16 01:03:33 補充：
啲印傭同菲傭打工心態唔同香港人或中國人,我哋為份工較能忍受老板氣,但佢哋可能因為離鄉別井,言語不通,所以想法與我們有差異,但無論如何,人心肉做,你對佢好,佢一定感覺到.俾啲時間大家,你試下繼續觀察佢,唔好太担心,最緊要佢做嘢冇亂嚟.其實啲工人放完假返嚟都會學咗啲嘢,多數都係响香港打開工果啲同鄉教,無可避免,亦阻止唔到,你換幾多個工人都會有咁情形,唯有佢出招,你拆招,無傷肝的就唔好同佢計較咁多,如果佢做得開心,佢會同你做落去既,暫時唔好諗咁多令自己咁煩住.祝你好運.

2009-12-16 07:36:09 補充：
總之你唔好抱太大期望佢哋學嘢同做嘢會好似我們咁醒目,因為佢哋絶大部份人都是來自窮鄉僻壤,發展非常的落後地區或農村,咩都唔識,真係要耐心咁逐項工作教佢哋做,你就當係同佢在職培訓,佢唔記得,就唯有講多幾次或叫佢寫低以後記住.印傭整體比菲傭忠心和較純,不過表面幾好都要暗中保持監察.有些自己和友人過去請工人的趣事同你分享

2009-12-16 07:36:42 補充：
1. 洗潔精用得好快,和工人收埋番啲空樽 - 工人用空樽偷走一啲洗潔出去用
2. 油同米冋食得好快 - 又係俾工人偷,有次佢放假,我故意早起,一聽到異聲,知佢偷嘢,即刻捉賊在場,佢畢緊米,我問佢,你做咩呀,佢答唔出,我唔俾自己發脾發,但嚴肅同佢講,你想攞一啲米出去用,冇所謂,但係你要事前話我知,嗱,今次算啦,下次你記得俾我知咗先好拿取;最後佢出門口前我仲微笑著叫佢小心啲同早啲番添,費事佢記住呢件事,驚我會再用咩方法對付佢啦,以後佢都冇再偷,叫佢都唔肯攞添呀,嘻嘻
.

2009-12-16 07:36:54 補充：
3. 洗頭水,沖涼液變稀和小咗,因為俾工人偷倒走,佢哋加番啲水溝稀,仲以為變壞添
其實呢啲算係小意思,可以俾佢哋用,不過唔要俾佢哋偷.為咗令佢湊 bb 專注和關心,佢放假出門前或放完假番嚟,你可以教 bb 講,拜拜姐姐啦,姐姐番嚟啦叫姐姐啦,飛吻啦等說話,一方面可以教養自己 bb 有禮貌,另方面個工人亦感到你們對佢的尊重,佢自然同你做嘢有歸屬感同忠心.
希望以上幫到你