申請非長者單人公屋一問?我會誠贈20點給你

申請單人公屋除了入息要合資格外，年齡也是重要因素；因房署現時
對單人申請者實行計分制：
申請人的分數會按其成功登記公屋申請表時的年齡計算。在計分制下，18歲申請人將獲0分，19歲獲3分，20歲獲6分，每一歲加3分，如此類推，直至59歲獲123分為止。
申請人如現居於租住公屋單位(包括由房屋協會營運的租住房屋)，會被扣30分。
申請人在公屋輪候冊上多等一個月可多得1分。

申請人在公屋輪候冊上的優先次序，會按其得分劃定。在符合所有適用的申請公屋的條件下，累積分數越高，便會越早獲編配公屋單位。

至於恩恤安置，是要由社署署長推薦給房署考慮，照你的現況，機會不高。

本人亦是一個單人公屋的申請者，我由2005獲得成功申請，現在的分數是111分，到出年3月已足足等了5個年頭，現在還未獲得配屋。我諗你都有排等，有時真係好慨嘆在香港出生到老來想有個容身之所都這麼難，真係可悲!!

照同你計就等3年半, 咁但係每年有特快公屋, 當你有號碼房署會邀請你選擇, 但都要睇供應情況睇下會唔會有單位比你選, 因為通常都要睇有冇合你一個人的單位先會邀請你.......

你公司有冇雙涼花紅 ?? 如果有你都會過, 所以有D危機, 照計就係得.....


可唔可以經政府醫生或社工向房屋署申請特快公屋?

我有個真實個案, 我有個親戚係長期病患者(醫生証明唔可以工作)又係破產人事仲要拎綜媛金, 仲要57歲無屋住, 社工都話叫佢自己去房署申請公屋冇得打尖一樣要排隊, 揾埋區議員都冇得傾, 所以我覺得你個case應該係唔得, 你唔好介意我係直話直說, 香港出世都係咁話架啦 ! 要排隊.....