馬會電話投注事務助理幾問

1.有無話每星期要返幾多日、每日最少要返幾多個鐘?因為我係學生,放學時間又日日唔同...想每日只係返三、四個鐘,可以嗎?佢會唔會俾你揀返工時間?

無規定每個星期一家要返幾多日同幾多個鐘，但一般都是一星期三至四天、每次6-10個鐘。

你是不可以自己選擇時間的，但你可以事先致電centre更改返工時間。

2.我對賭博毫無認識,咁馬會係咪會提供陪訓,先至再俾你正式返工?咁training時間有冇得揀?

於你面試成功後，馬會職員會即時比訓練地點、時間及其他資料你，通常有兩至三堂訓練，一定要返足，遲到、早退、缺席都不會聘請。

另外，最尾一堂是考試，通常會有三個test，主要考反應、聽力、速度等，一定要有90%或以上正確方為合格，而且必須要全部test合格方會聘請，是旦一個唔合格都不會請。

而訓練時間是不能自行選擇及更改，否則馬會會選擇唔請你。

3.使唔使OT?如果佢叫OT我但我唔O,會唔會炒我?

經常性要OT。

主要有兩種：自由OT同強制OT。

自由OT：

組長有時會講：「今晚有OT，XX點到XX點，想OT既就拎張職員證登記」，你如果想OT先拎證。

強制OT：

組長會講：「今晚有OT，XX點到XX點。」呢個情況就沒有選擇，一定要OT。