請問睇張 floor plan 圖, 點知尺寸?

係香港平面圖單位係mm，（好似只有美國仍然係呎吋）如2350即2350mm，多數地產俾你既平面圖，已經係唔合比例，因為已經過縮影印，根本冇比例可循，如要按甘既平面圖計算比例求面積，亦都有辦法，不過你要識用比例尺（一種三角長型呎)一把尺內有1:20/1:25/1:50/1:75/1:100/1:125等標示，（此款最常見)，解法:1:50=在此圖1mm長度相等於實際物件50mm長。如有一幅實際2350mm濶嘅牆，在1:50比列之圖紙上，此牆應該度出嚟係2350除50＝47mm濶。如此類推。識用比例尺后，可參考平面圖有標示嘅呎吋，如3000mm試吓用比例尺上任何一種比例標示度下，假設用1:100度吓，發覺吻合30mm長度(即3000mm除100)＝30mm，再試吓張圖其他有標示嘅呎吋亦都吻合，即証明張圖既比例係1:100，甘就按此比例度其他位置呎吋。如果試過全部比例都唔吻合，又或者用一種比例度呢個呎吋啱，再度第二個就唔啱，代表張圖经過縮放，或者根本張圖畫時冇按比例（此情況絕少有)。如果張圖经過縮放，只要用影印机調教放大或縮小再影印，以致符合任何一種比例，即按此比例量度，不過此造法會有5-10%偏差，絕非百分百。

注意:
一般住宅平面圖比例多為1:75、1:100，再大型D就1:200、1:250、1:500 。主要係方便你坊間買到常用嘅平例呎嘅比例，例如你用1:20比例可度1:200比例既圖紙，只不過照乘大個數值，如此類推，1:20比例可度1:2比例既圖紙，如你計數好，可用1:20比例度1:40、1:100、1:150.........等比例既圖紙，照方法乘大或除細，唔駛話買3、4把比例呎。

你手上的應該係建築圖..建築圖以mm出再定出比例＝施工呎吋