無段變速 CVT 波箱,的好處及壞處

先撇除你想講嘅 Audi A5 Cabrio 2.0T Multitronic 先

CVT波箱:

好處:

設計簡單, 部件較普通用齒輪同扭力轉換器嘅自動波箱少普通行車時較順暢 (因為唔會轉波)做到制造成本較低同整體較輕巧比較起前幾年嘅自動波箱技術, CVT嘅動力流失較低, 所以亦較為慳油.壞處:

上斜較易溜後 大油加速時初頭會好似冇反應, 剩係聽到好大嘅引擎聲. 原因係行車電腦要先揾到引擎最佳轉數發力點先同波箱"嚙合". 設計同技術所限, 唔可以承受太大嘅扭力, 所以只會配較細馬力嘅引擎. CVT通常只會配合到橫置引擎 (Audi 除外), 好少 (如果唔係冇) 做到後輪驅動, 四驅亦要喺頭驅橫置引擎基礎. 所以歐洲四驅王Audi 都冇CVT嘅Quattro型號. 只有少數車廠如 Nissan 及 Subaru 有做CVT 四驅型號 (如 Murano, Legacy)維修/保養要留意. 因為CVT始終未係好普及. 好多坊間車房都未必識修理. 好多時CVT壞就係因為外邊車房換錯波箱油駕駛樂趣/操控感低. 因為CVT唔似得有波段嘅車可以比到駕駛者更好嘅速度控制, 所以CVT車係冇駕駛樂趣可言.技術落後. 如上面所講嘅優勢已經係幾年前嘅事. 而家自動波箱就算出到七, 八個波都可以做到輕同耐用, 而且波段越多, 齒比亦較密, 轉波動作就較流暢. 而家嘅動力流失亦降低咗好多. 而且呢兩年極紅嘅雙離合器波箱更加去到另一層次. CVT發展空間實在有限.以上優缺點, 其實同配咩引擎都冇所謂. 不過你想買 Audi A5 Cabrio 的話, 你知道Quattro 用 211匹引擎七速 S-Tronic 雙離合器波箱, 前驅Multitronic CVT 要detune 副引擎到只有180匹, 就知咩一回事.

好處是省油，日常行好好用

壞處是一定要原廠保養，用原廠油，
，用來飛好易壞

如果你住半山不建議你買，日日上落山好快死