更換全屋鋁窗

建議你去上海街或廣東道（由砵蘭街段直行至弼街段〕，位置唔太肯定，反正係附近同都係聚埋一齊，果D鋁窗鋪問下價，因依家鋁窗無論鋁材，表面處理、款式、較位及鎖位都好多，想攞實價最好當面定好要求。果度有幾間大舖，擺咗好多樣辦，可以慢慢睇，唔識可問店員，而且佢地聚埋一齊，唔會因你係唔識，斬你太深。可放心(不過梗係要被人賺)
事先先將屋企每幅鋁窗濶度、高度度好畫低（差3幾吋唔緊要，只係作報價參考），每幅鋁窗分多少個窗戶（多數平均分)、推拉式或趟窗等（呢D要確認好)，窗花款式、鋁窗料、表面處理及較位手抦鋪頭度揀，咁樣就可以計價，再加裝工、拆工及搭棚錢，基本可攞實個價。落實后有師傅現場再度實尺，唔駛怕俾錯呎吋，造錯落嚟。
注意事項：
1.裝工需包窗框四邊泥水收口（最起碼窗外面)因外牆揾人造會貴，而且要保險，
鋁窗鋪D安裝工，公司已買好晒，比較方便。
2.拆時最好列明如損毁外牆（如紙皮石、漆膜)要鋁窗鋪包修，因如你係管理完善 或高尚嘅屋苑，整爛咗你唔執，管理處會追究。
3.要求搭棚完成后出棚紙（即証明由合資格人仕搭建及經查驗ok)有D管理處都要求留底及出棚紙後才准施工。棚造好要有圍板或圍綱，油布都得不過要紮好，大風吹油布易甩。
4.裝鋁窗唔怕佢裝唔緊跌落街（好少有甘渣)最怕窗框边泥水收口造唔好，落雨漏水，通常窗框會比窗洞4边少25mm作收口，留太多泥水收口后日曬雨淋會爆裂，及新舊水泥接口位都一定會出事，留太少佢地多數『攝』唔飽窗底D水泥，因難做，又係會漏水，小心有D人貪快，同你『攝』報紙及發泡膠係窗底跟住先同你『汶』水泥，試過有個『契弟裝工』攞發泡膠『攝』俾我見到，仲同我吹話咁至好，話發泡膠有彈性同軟，d水泥收縮有虛位冇咁易爆，不過，我都好禮貌咁同佢講，你同我用水泥『攝』飽佢，爆裂咗我自己負責。之後打电話『插』佢老細。泥水收口造好乾透，自己再掃防漏膜，好似油油咁，唔難造。不過最好打填鏠胶，不過外行較難處理好，鋁窗鋪代造不一定肯，因要泥水乾透後才可造，即係要佢走多次，不過可試吓問。有D可能要求收D費用肯造。
5.新造鋁窗款式要注意你住既屋苑對大厦外觀管制嚴唔嚴，試過有個客佢住果度全部係4扇推窗，佢新造兩邊推窗，中間大幅梗玻璃，跟住收信被人話影响建築物外觀，呢D事情鋁窗公司係冇責任要承擔。
6.保險責任呢樣好少人留意，但其實好重要，本來概念係鋁窗公司孭哂，不過佢地多數係買勞保，不一定係全保，尤其細公司，可能勞保都冇，而且依家有D專幫人追討工傷意外嘅公司，電視廣告都有，佢哋接到Case就研究事主可向邊D人追討，通常戶主、物業法團多數走唔甩，但係呢樣真係幾難，如果全屋大裝修，可要求裝修／設計公司在工程保險上增加換鋁窗項目及加戶主名，咁就可cover埋你。剩係換鋁窗要另外買份保險又真係重皮，叫鋁窗公司加你名，真係睬你都傻。所以只好自己跟緊D，D友擒出去工作要帶安全帶，棚面有野要放番入屋，唔好跌落街整到人。總之，捨得嘅唔好慳，買份保。唔捨得既自己跟緊D，呢D事冇得靠人幫你。

呢度有10幾個專整鋁窗的師傅，希望幫到你。
http://kejoin.com/search.php?mode=experts&q=%E9%8B%81%E7%AA%97&cid=&sort=62

萬景室內裝修工程
專業裝修全科服務
承接各類大小裝修泥水水電煤氣家居維修工程
及廚櫃及大小傢私訂造設計
免費報價
承接大小室內裝修工程，擁有十多年經驗，誠意為客戶提供專業、
優質、可靠的服務。取價公道，不取巧；專業技工、準時完工。
工程包括：造木泥水、拆墻間房,油漆牆紙、地板地毯、水電冷氣
、天花鋁窗、廚櫃及大小傢俬訂造,保證價錢合理。 無論大小工程，
一律免費度呎報價。 如有任何疑問，歡迎致電或電郵查詢。
工程相片:
http://10000king.com/manking3.html
網址: 10000king.com
黃家昇
WONG KA SING
Mobile Phone:9277-9550
E-Mail: [email protected]
Flat C,37/F,Block 2,Bauhinia Garden, Tseung Kwan O
(特長保養期，質素有保証)
不論大小工程
完工後憑收據免費保養一年
務求為客戶提供最完善優質的工程服務

係要先換鋁窗, 然後去做牆身的修補和油漆至完成..


詳細查詢:65192208或[email protected] 姜生....thx...